ചാലക്കുടി: കാഴ്ചയില്ലാതിരുന്നിട്ടും വീട്ടിലെത്തിയ പാമ്പിനെ വകവരുത്തിയാണ് റോക്കി നായ കണ്ണടച്ചത്. കഴിഞ്ഞ രാത്രി കൊരട്ടി പാറക്കൂട്ടത്തെ സി.ആർ.പരമേശ്വരന്റെ വീട്ടുമുറ്റത്തായിരുന്നു ഇവയുടെ ദ്വന്ദയുദ്ധവും മരണവും. അർദ്ധരാത്രി വീട്ടുമുറ്റത്ത് നടന്ന സംഭവങ്ങളൊന്നും വീട്ടിൽ തനിച്ചായിരുന്ന പരമേശ്വരന്റെ ഭാര്യ രാജമ്മ അറിഞ്ഞില്ല. നേരം പുലർന്നപ്പോൾ മുറ്റത്ത് റോക്കിയോടൊപ്പം വലിയൊരു മൂർഖൻ പാമ്പും ചത്തു കിടക്കുന്നതാണ് ഇവർ കണ്ടത്. രണ്ട് വയസുള്ള സങ്കരയിനം നായയ്ക്ക് ആറ് മാസമുള്ളപ്പോഴാണ് കാഴ്ച നഷ്ടപ്പെട്ടത്. മണത്തും കേട്ടുമാണ് നായ പാമ്പിനെ വകവരുത്തിയത്.