മുംബയ് : ഓഹരി വിപണിയിൽ ഇന്നലെ വ്യാപാരം അവസാനിപ്പിച്ചത് നേട്ടത്തോടെ. മൂന്ന് ദിവസത്തെ നഷ്ടം മറികടന്നാണ് ഇന്നലെ ഓഹരി സൂചികകൾ നേട്ടത്തോടെ വ്യാപാരം അവസാനിപ്പിച്ചത്.

സെൻസെക്സ് 187.39 പോയിന്റ് നേട്ടത്തിൽ 57808.58 പോയിന്റിലാണ് വ്യാപാരം അവസാനിപ്പിച്ചത്. 17266.8 പോയിന്റിൽ ക്ലോസ് ചെയ്ത നിഫ്റ്റി 53.20 പോയിന്റ് നേട്ടമുണ്ടാക്കി. 1,062 ഓഹരികൾ മുന്നേറി. 2,180 ഓഹരികളുടെ മൂല്യം ഇടിഞ്ഞു. 83 ഓഹരികളുടെ മൂല്യത്തിൽ മാറ്റമുണ്ടായില്ല.

ടാറ്റാ സ്റ്റീൽ, ബജാജ് ഫിനാൻസ്, ഡിവൈസ് ലാബ്, റിലയൻസ് ഇൻഡസ്ട്രീസ്, ബജാജ് ഫിൻസർവ് തുടങ്ങിയ ഓഹരികൾ നേട്ടമുണ്ടാക്കി. ഒ.എൻ.ജി.സി, പവർഗ്രിഡ് കോർപറേഷൻ, ഇന്ത്യൻ ഓയിൽ കോർപ്പറേഷൻ, ടാറ്റാ കൺസ്യൂമർ പ്രൊഡക്ട്സ്, എസ്.ബി.ഐ ലൈഫ് ഇൻഷ്വറൻസ് തുടങ്ങിയ ഓഹരികളുടെ മൂല്യമാണ് കൂടുതൽ ഇടിഞ്ഞത്.