നാഗപട്ടണം : സുനാമിയിൽ മാതാപിതാക്കളെ നഷ്ടമായ കുഞ്ഞിന് രക്ഷകനായി ഐ എ എസ് ഉദ്യോഗസ്ഥൻ. 2004 ൽ ആഞ്ഞടിച്ച സുനാമിയിലാണ് നാഗപട്ടണം സ്വദേശിനിയായ സൗമ്യയ്ക്ക് മാതാപിതാക്കളെ നഷ്ടമായത്. അന്ന് മുതൽ സൗമ്യയുടെ സംരക്ഷണം ഏറ്റെടുത്തത് മുതിർന്ന ഐഎഎസ് ദ്യോഗസ്ഥനായ ഡോ ജെ രാധാകൃഷ്ണനാണ്. സുനാമി ഉണ്ടായപ്പോൾ സൗമ്യയ്ക്ക് അഞ്ച് വയസായിരുന്നു പ്രായം.

സുനാമി ആഞ്ഞടിച്ച സമയത്ത് വേളാങ്കണ്ണിയിലെ അവശിഷ്ടങ്ങളിൽ നിന്നാണ് സൗമ്യയെ കണ്ടെത്തിയത്. നിരവധി കുട്ടികൾ അനാഥരായതായി റിപ്പോർട്ട് ലഭിച്ചതിനെത്തുടർന്ന് സംസ്ഥാന സർക്കാർ വെളിപ്പാളയത്തിന് സമീപം അണ്ണൈ സത്യ സർക്കാർ എന്ന പേരിൽ കുട്ടികൾക്കായി ഒരു കേന്ദ്രം ആരംഭിച്ചു. തുടർന്നുള്ള മാസങ്ങളിൽ കുട്ടികളെ വീട്ടിൽ പ്രവേശിപ്പിച്ചു. സൗമ്യയും അവിടെ രാധാകൃഷ്ണന്റെ രക്ഷാകർതൃത്വത്തിലാണ് വളർന്നത്. നാഗപട്ടണം സന്ദർശിക്കുമ്പോഴെല്ലാം സൗമ്യയെ കാണുവാൻ രാധാകൃഷ്ണൻ ഓടിയെത്തുമായിരുന്നു. സുനാമി ബാധിച്ച എല്ലാ കുട്ടികളും ഇപ്പോൾ വളർന്നു. ചിലർ വിവാഹിതരാണ്, ചിലർ ഇപ്പോഴും പഠനം തുടരുന്നു.