അഹമ്മദാബാദ് : ​ഗുജറാത്ത് തീരത്ത് സമുദ്രാതിർത്തി ലംഘിച്ചെത്തിയ പാകിസ്ഥാന്റെ മത്സ്യബന്ധന ബോട്ടുകൾ പിടികൂടി. പതിനൊന്ന് ബോട്ടുകളാണ് ബി.എസ്.എഫ് പിടികൂടിയത്. ഭുജിലെ കടലിടുക്കിൽ വച്ച് വൈകിട്ടോടെയാണ് ബോട്ടുകൾ കണ്ടത്. ബോട്ടിലുണ്ടായിരുന്നവരെ കണ്ടെത്താനായി തെരച്ചിൽ ആരംഭിച്ചു.

വ്യോമസേനാം​ഗങ്ങളെ സ്ഥലത്ത് വിന്യസിച്ചിട്ടുണ്ട്. ഇവരെ ഇവിടേക്ക് എയർഡ്രോപ് ചെയ്യുകയായിരുന്നു. വ്യോമസേനയുടെ മൂന്ന് ഗ്രൂപ്പ് കമാന്‍ഡോകളുടെ നേതൃത്വത്തിൽ ഭുജ് തീരത്ത് വ്യാപക പരിശോധന നടക്കുകയാണ്.