ബ്രിട്ടൻ : അയൽവാസിയുടെ സ്‌നേഹം സമൂഹമാദ്ധ്യമങ്ങളിലൂടെ പങ്കുവയ്ക്കുകയാണ് സൺഡേ ബ്ലേക്ക് എന്ന ബ്രിട്ടീഷ് വനിത. ആശുപത്രിയിലെ ചികിത്സ കഴിഞ്ഞ് വിശ്രമിക്കുകയായിരുന്ന തനിക്ക് അയൽവാസിയായ അഫ്ഗാനി നൽകിയ കരുതലാണ് സമൂഹമാദ്ധ്യമത്തിൽ യുവതി പങ്കുവച്ചത്. അയൽവാസിയായ അഫ്ഗാനി തന്റെ രൂപം കണ്ട് മെലിഞ്ഞിരിക്കുന്നത് എന്തുകൊണ്ടാണെന്ന് അന്വേഷിച്ചു. ചികിത്സ കഴിഞ്ഞ് വിശ്രമത്തിലാണെന്ന് മറുപടി നൽകിയതോടെ അയൽവാസി വീട്ടിൽ നിന്നും രുചികരമായ ആഹാരം തയ്യാറാക്കി എത്തിച്ചു എന്നാണ് സൺഡേ ബ്ലേക്ക് വെളിപ്പെടുത്തുന്നത്. അഫ്ഗാനി കൊണ്ടുവന്ന ആഹാരവസ്തുക്കളുടെ ഫോട്ടോയും യുവതി ഷെയർ ചെയ്തിട്ടുണ്ട്.

One of my neighbours is afghan. He fled a few weeks ago, leaving his entire family. He asked in broken English last week why I looked skinny (ESL - forgave him 😂). I said id recently had surgery & was ill. He just dropped this around. All homemade, including the yoghurt & bread. pic.twitter.com/Lh3ePFKi4x

— Sunday Blake (@SundayMargot) February 2, 2022

സൺഡേ ബ്ലേക്കിന്റെ പോസ്റ്റ് നിരവധി പേരുടെ ഹൃദയം കവർന്നു. ഇതുപോലെ ഒരു അയൽക്കാരനെ ലഭിച്ചത് ഭാഗ്യമാണെന്നും, സുഖം പ്രാപിച്ച ശേഷം ആഹാരം കൊണ്ടുവന്ന പാത്രങ്ങൾ നിറച്ച് തിരികെ നൽകാനും യുവതിയോട് ആളുകൾ ആവശ്യപ്പെട്ടു. 58,000 ലൈക്കുകൾ നേടിയ ട്വീറ്റ് ഇപ്പോൾ വൈറലാണ്.