സ്വന്തം വിവാഹത്തിന് തിളങ്ങി നിൽക്കണമെന്ന് ആഗ്രഹിക്കാത്തവരുണ്ടാകില്ല. ഓരോരുത്തരുടെയും ഐഡിയകളും വ്യത്യസ്തമായിരിക്കും. അത്തരത്തിൽ തന്റെ വിവാഹത്തിന് എത്തുന്നവർ കർശനമായി പാലിക്കേണ്ട വിചിത്ര നിയമങ്ങളുടെ പട്ടിക തയ്യാറാക്കിയിരിക്കുകയാണ് ജാസ്മിൻ ക്രൂസ് എന്ന യുവതി.

ടിക്‌ടോക് വീഡിയോയിലൂടെ ആണ് വിവാഹത്തിനെത്തുന്നവർ പാലിക്കേണ്ട നിയമങ്ങളെക്കുറിച്ച് യുവതി വിശദീകരിച്ചത്. ചടങ്ങ് നടക്കുന്ന സ്ഥലത്തേക്ക് കുട്ടികളെ കൊണ്ടുവരരുത്, മാതാപിതാക്കൾ ശ്രദ്ധിക്കാതെ കുട്ടികൾ അവിടെയുമിവിടെയും ഓടിക്കളിക്കും. ഈ അവസ്ഥ ഉണ്ടാകാതിരിക്കാനാണ് ഇങ്ങനെയൊരു നിയമം.

വധുവായ താനല്ലാതെ മറ്റാരും ചടങ്ങിലേക്ക് വെള്ളവസ്ത്രം ധരിച്ചെത്തരുടെന്നും ജാസ്മിന് നിർബന്ധമുണ്ട്. അങ്ങനെ വന്നാൽ തലവഴി റെഡ് വൈൻ ഒഴിക്കുമെന്ന് യുവതി അറിയിച്ചു. അവിടെ തിളങ്ങേണ്ടത് താനാണ്, അതിനാൽ തന്നേക്കാൾ ഭംഗിയായി മറ്റാരും ഒരുങ്ങി വരരുത്, ക്ഷണിക്കപ്പെടാത്തവരെ വിവാഹത്തിന് അനുവദിക്കില്ല, മദ്യം കഴിച്ച നിലയിൽ ആരും തിരികെ വാഹനമോടിച്ചു പോകാൻ പാടില്ല എന്നും ജാസ്മിൻ അറിയിച്ചു.