ആലപ്പുഴ: കഞ്ചാവ് മയക്കു മരുന്ന് മാഫിയ സംഘത്തിന്റെ ആക്രമണത്തിൽ ഡി വൈ എഫ് ഐ നേതാവിന് പരിക്ക്. മാവേലിക്കര പാലമേലിലെ ആകാശിനെയാണ് അക്രമി സംഘം വെട്ടിപ്പരിക്കേൽപിച്ചത്. നൂറനാട് ടൗൺ സ്വദേശി വിഷ്ണുവാണ് സംഭവത്തിന് പിന്നിലെന്നാണ് ഡി വൈ എഫ് ഐയുടെ ആരോപണം.
മരം വെട്ടുന്ന കത്തി ഉപയോഗിച്ചാണ് അക്രമി ആകാശിന്റെ കഴുത്തിൽ വെട്ടിയത്. കഴുത്തിൽ പത്ത് സെന്റിമീറ്ററോളം ആഴത്തിലാണ് വെട്ടേറ്റത്. ആകാശ് മെഡിക്കൽ കോളേജ് ആശുപത്രിയിൽ ചികിത്സയിലാണ്. വിഷ്ണുവിനെ പൊലീസ് കസ്റ്റഡിയിലെടുത്തു.
മറ്റൊരു ഡി വൈ എഫ് ഐ നേതാവിന്റെ വീടും വാഹനവും കത്തിച്ചു. മയക്കുമരുന്ന് ഉപയോഗം ചോദ്യം ചെയ്ത ഡി വൈ എഫ് ഐ പ്രവർത്തകരെ ചിലർ മർദ്ദിച്ചിരുന്നു. ആ കേസിലെ പ്രധാന പ്രതിയായ ബിനുവിന്റെ സഹോദരനാണ് അറസ്റ്റിലായ വിഷ്ണു.
കഞ്ചാവ് മാഫിയക്ക് എതിരെ ഡി വൈ എഫ് ഐ പാലമേൽ മേഖലാ കമ്മിറ്റി കാമ്പയിൻ സംഘടിപ്പിതിന് പിന്നാലെയാണ് ആകാശിന് നേരെ അക്രമമുണ്ടായത്.