വടിവൊത്ത ശരീരങ്ങളാണ് എല്ലായിടത്തും ആഘോഷിക്കപ്പെടുന്നത്. ബോഡി ഷെയിമിംഗ് തുടങ്ങുന്നതും ശരീരത്തിന്റെ വലിപ്പത്തിലും പരിമിതികളിൽ നിന്നുമാണ്. സോപ്പുകളുംസൗന്ദര്യവർദ്ധക വസ്തുക്കളും പ്രമോട്ട് ചെയ്യപ്പെടുന്നത് വെളുത്ത് തിളങ്ങുന്ന ചർമ്മമുള്ളവരെയാണ്. ഇവയ്ക്ക് നേരെ ഉയർന്ന വിമർശനങ്ങളുടെ പിന്നാലെയാണ് ഫെയർ ആൻഡ് ലവ്‌ലി പോലുള്ള ബ്രാൻഡുകൾക്ക് പേരുവരെ മാറ്റേണ്ടി വന്നത്. ഇപ്പോവിതാ ബോഡി പോസിറ്റിവിറ്റി എന്ന ആശയം പങ്കുവയ്ക്കുന്ന അഡിഡാസിന്റെ ,സ്പോർട്സ് ബ്രായുടെ പരസ്യമാണ് സോഷ്യൽ മീഡിയയിൽ ചർച്ചയാകുന്നത്.
വടിവൊത്ത ശരീരങ്ങളുള്ള മോഡലുകളെയാണ് മിക്ക അടിവസ്ത്രങ്ങളുടെ പരസ്യത്തിലും കാണാറുള്ളത്. എന്നാൽ അഡിഡാസിന്റെ സ്പോർട്സ് ബ്രായുടെ പുതിയ പരസ്യത്തിൽ അവതരിപ്പിച്ച മോഡലുകളാണ് വ്യത്യസ്തമാകുന്നത്.സ്പോർട്സ് ബ്രായുടെ പരസ്യത്തിൽ ഇരുപത്തിയഞ്ചോളം നഗ്നസ്തനങ്ങളാണ് അഡിഡാസ് ട്വീറ്റ് ചെയ്തിരിക്കുന്നത്. വൈവിധ്യത്തെ പുൽകുക എന്ന ആശയമാണ് ബ്രാൻഡ് പകരുന്നത്. ബുധനാഴ്ചയാണ് പുതിയ പരസ്യം അഡിഡാസ് ട്വീറ്റ് ചെയ്തത്.സപ്പോർട്ട് ഈസ് എവരിതിങ് എന്ന ഹാഷ്ടാഗോടെയാണ് ചിത്രങ്ങൾ പോസ്റ്റ് ചെയ്തിരിക്കുന്നത്.
വിവിധ രൂപത്തിലും ആകൃതിയിലുമുള്ള നഗ്നമായ സ്തനങ്ങളാണ് ചിത്രത്തിലുള്ളത്.എല്ലാ ആകൃതിയിലും വലിപ്പത്തിലുമുള്ള സ്ത്രീകളുടെ സ്തനങ്ങൾ പിന്തുണയും സുരക്ഷിതത്വവും അർഹിക്കുന്നു എന്നതിൽ തങ്ങൾ വിശ്വസിക്കുന്നു എന്നും അതുകൊണ്ടാണ് പുതിയ സ്പോർട്സ് ബ്രാ 43 സ്റ്റൈലുകളിൽ അവതരിപ്പിക്കുന്നതെന്നും എല്ലാവർക്കും അവനവന് ചേരുന്നത് തിരഞ്ഞെടുക്കാൻ കഴിയുമെന്നും ട്വീറ്റിലുണ്ട്.
വൈകാതെ പരസ്യം ശ്രദ്ധിക്കപ്പെടുകയും ചെയ്തു. ബോഡിപോസിറ്റിവിറ്റി എന്ന വലിയ ആശയമാണ് പരസ്യം പകരുതെന്നും ഇത്തരം പുരോഗമനപരമായ ആശയങ്ങളാണ് ഇനിയുള്ള കാലത്ത് വരേണ്ടതെന്നും പ്രതികരണങ്ങൾ ഉയരുന്നു. അതേസമയം സ്ത്രീകളുടെ ശരീരത്തെ ലൈംഗികവത്ക്കരിക്കുകയാണ് പരസ്യത്തിലൂടെ ചെയ്യുന്നതെന്നും വിമർശനമുണ്ട്.
We believe women’s breasts in all shapes and sizes deserve support and comfort. Which is why our new sports bra range contains 43 styles, so everyone can find the right fit for them.
— adidas (@adidas) February 9, 2022
🔗 Explore the new adidas sports bra collection at https://t.co/fJZUEjvopQ#SupportIsEverything pic.twitter.com/CESqmsXOwI