കോലാലംപൂർ: വിമാനത്തിനുള്ളിൽ പാമ്പിനെ കണ്ടതിനെത്തുടർന്ന് കോലാലംപൂരിൽ നിന്ന് മലേഷ്യയിലെ തവാവുവിലേയ്ക്ക് പോവുകയായിരുന്ന എയർ ഏഷ്യ വിമാനം തിരിച്ചുപറന്നു. ബാഗേജ് ഏരിയയിലൂടെ ഇഴഞ്ഞുനീങ്ങുന്ന പാമ്പിന്റെ വീഡിയോ വിമാനത്തിന്റെ പൈലറ്റായിരുന്ന ഹന മൊഹ്‌സിൻ ഖാൻ പങ്കുവച്ചത് സമൂഹമാദ്ധ്യമങ്ങളിൽ ഏറെ വൈറലായിരുന്നു.
വിമാനത്തിനുള്ളിൽ കണ്ടത് ഒരു വളർത്തുപാമ്പ് ആയിരിക്കാമെന്നും അത് രക്ഷപ്പെട്ട് ബാഗേജ് ഏരിയയിൽ എത്തിപ്പെട്ടാതായിരിക്കാമെന്നും അല്ലെങ്കിൽ വിമാനത്തിൽ സ്വയം ഇഴഞ്ഞുകയറിയതാകാമെന്നും വീഡിയോ പങ്കുവച്ചുകൊണ്ട് ഹന പറഞ്ഞു.
Yikes!
— Hana Mohsin Khan | هناء (@girlpilot_) February 12, 2022
Snake on a plane!
Either an escaped pet from passenger carry on/luggage or possibly climbed its way into the aircraft from the ground.
Air Asia Airbus A320-200,Kuala Lumpur to Tawau.
This dude happily stayed inside the illuminated area till plane was diverted😂 pic.twitter.com/jqopi3Ofvp
വിമാനത്തിനുള്ളിൽ പാമ്പിനെ ശ്രദ്ധയിൽപ്പെട്ടതിനെത്തുടർന്ന് വിമാനം തിരിച്ചുപറക്കുന്നതുവരെ പാമ്പ് അവിടെത്തന്നെ തുടർന്നിരുന്നു. എയർ ഏഷ്യയുടെ മുഖ്യ സുരക്ഷാ ഉദ്യോഗസ്ഥനായ ലിയോംഗ് ടിയൻ ലിംഗ് സംഭവം സ്ഥിരീകരിച്ചു. ക്യാപ്ടനെ വിവരമറിയിച്ച ഉടൻ തന്നെ വിമാനം അണുവിമുക്തമാക്കുന്നതിനായി കുച്ചിംഗിലേയ്ക്ക് തിരിച്ചുവിട്ടുവെന്നും യാത്രക്കാരിൽ ആർക്കും പരിക്കേറ്റിട്ടില്ലെന്നും ലിയോംഗ് ടിയൻ അറിയിച്ചു.