തിരുവനന്തപുരം: വിമുക്തി മിഷന്റെ നേതൃത്വത്തിൽ ലഹരിക്കെതിരായി ശക്തമായ ബോധവൽക്കരണ പ്രവർത്തനങ്ങളാണ് നടത്തുന്നതെന്ന് മന്ത്രിഎം.വി. ഗോവിന്ദൻ പറഞ്ഞു. 14 ഡി അഡിക്ഷൻ സെന്ററുകളിലായി കഴിഞ്ഞ ജനുവരിയിൽ മാത്രം 2101 പേർക്കാണ് ലഹരിവിമുക്ത ചികിത്സയും കൗൺസിലിംഗും നടത്തിയത്. 38 എൻ.ഡി.പി.എസ് കേസുകളിൽ 21ൽ താഴെ പ്രായമുള്ള 44 പേരെ പിടികൂടി. സംസ്ഥാനത്തെ സ്‌കൂൾ വിദ്യാർത്ഥികളിൽ അവബോധം സൃഷ്ടിക്കുന്നതിനായി ന്യൂ ഇയർ ഗ്രീറ്റിംഗ് കാർഡ് നിർമ്മാണ മത്സരവും ആര്യനാട് റെയിഞ്ചിന്റെ നേതൃത്വത്തിൽ പ്രാദേശിക ക്ലബ്ബുകളെ ഉൾപ്പെടുത്തി ക്രിക്കറ്റ് മത്സരവും സംഘടിപ്പിച്ചു. ആദിവാസി മേഖലകളിലും വിവിധ പരിപാടികൾ സംഘടിപ്പിച്ചു വരുന്നുണ്ടെന്നും മന്ത്രി പറഞ്ഞു.