റാം സാഗർ തമ്പുരാൻ, ഫോൺ: 8301036352, വാട്സാപ്പ് : 9633721128, ഇ -മെയിൽ : samkhiyarathnam@gmail.com
അശ്വതി: ഇടപാടുകള്‍ കാരണം മനോദുഃഖം,വിലപിടിച്ച സംഗതികള്‍ മോഷണം പോകും.ദാമ്പത്യ വിഷയങ്ങളില്‍ അസുഖകരമായ അവസ്ഥ, ശത്രു ദോഷം.
ഭരണി: പരിതസ്ഥിതികളില്‍ ആത്മനിയന്ത്രണം പാലിക്കുക, സ്ത്രീകള്‍ മൂലം ചെലവ് കുടിയിരിക്കും, ശാരീരികമായി ചെറിയ അസ്വസ്ഥത ഉണ്ടാകാം, പലവിധത്തിലുള്ള ധൂര്‍ത്ത്, കലഹങ്ങള്‍ ഉണ്ടാകാതെ നോക്കണം.
കാര്‍ത്തിക: ചെലവ് ക്രമാതീതമായി വര്‍ദ്ധിക്കും,പണം കടം വാങ്ങിക്കേണ്ടി വരും, രോഗങ്ങള്‍ കൊണ്ടുള്ള ധനച്ചെലവ്, സ്ത്രീ സംബന്ധ വിഷയങ്ങളില്‍ കരുതല്‍ വേണം.
രോഹിണി: വ്യവഹാര വിജയം,സാമ്പത്തിക നേട്ടം പ്രതീക്ഷിക്കാം, ഇഷ്ടജന സംരക്ഷണം നടത്തും,ആഗ്രഹങ്ങള്‍ നിറവേറും, ദാമ്പത്യം സമാധാനപൂര്‍ണം, ആരോഗ്യം മെച്ചപ്പെടും.
മകയിരം: വ്യാപാര സംരംഭത്തില്‍ കൂടി നേട്ടം ഉണ്ടാകും, ജനപ്രീതിയും അംഗീകാരവും.അന്യരെ സഹായിക്കാനുള്ള മനസുണ്ടാകും, സാംസ്കാര സമ്പന്നമായി പെരുമാറും, വിദേശത്ത് ജോലി ചെയ്യുന്നവര്‍ക്ക് നല്ലസമയം.
തിരുവാതിര: വാക്ക് പാലിക്കാന്‍ സാധിക്കും, വിദേശത്ത് നിന്നും ആദായം ലഭിക്കും,പ്രണയത്തിലകപ്പെടാം, സഹോദരഗുണം, സന്താനങ്ങളുടെ ഭാവി മുന്നില്‍ക്കണ്ട് പല പദ്ധതികളും ആസൂത്രണം ചെയ്യും.
പുണര്‍തം:മനോദുരിതത്തില്‍ നിന്നും മോചനം, സര്‍ക്കാരില്‍ നിന്നും അനുകൂലമായ അറിയിപ്പ് ലഭിക്കും, ധനപരമായ കാര്യങ്ങളില്‍ നേട്ടം, സ്ഥിതി മെച്ചപ്പെടും.
പൂയം: ജനപ്രീതിയും അംഗീകാരവും ലഭിക്കും, ധനാഗമത്തിനു അനുകൂലമായ സാഹചര്യങ്ങള്‍,അനുകൂലമായ വിവാഹ ബന്ധം കിട്ടും,മംഗളകര്‍മ്മങ്ങള്‍ക്ക് സാക്ഷിയാകും,ബുദ്ധിപരമായി കാര്യങ്ങള്‍ നീക്കും.
ആയില്യം: ദേവാലയ ദര്‍ശന ഭാഗ്യം, ദാമ്പത്യ ജീവിതവും സാഹചര്യങ്ങളും സന്തോഷപ്രദം,യാത്ര ചെയ്യാന്‍ യോഗം, വിവാഹകാര്യങ്ങളില്‍ അനുകൂലമായ തീരുമാനങ്ങൾ ഉണ്ടാകും.
മകം: ആത്മനിയന്ത്രണം പാലിക്കുന്നതിനാല്‍ ആപത്തുകളില്‍ നിന്നും രക്ഷപ്പെടാൻ സാധിക്കും, എല്ലാ രംഗത്തും അഭിവൃദ്ധി, ജീവിതത്തില്‍ പുരോഗതി,ഗുരുഭക്തിയുണ്ടാകും,ധനാഭിവൃദ്ധി,കുടുബസുഖം.
പൂരം: പൊതുജനങ്ങളുമായി നല്ല ബന്ധം സ്ഥാപിച്ചെടുക്കും, പുതിയ അവസരങ്ങള്‍, ദാമ്പത്യ വിഷയങ്ങളില്‍ പൊതുവേ സുഖം,ഔദ്യോഗികമായി ആനുകൂല്യങ്ങള്‍ ലഭിക്കും.
ഉത്രം: ലളിതകലകളില്‍ താല്‍പ്പര്യം പ്രകടിപ്പിക്കും, സുഖസൗകര്യങ്ങള്‍ വര്‍ദ്ധിപ്പിക്കും,സുഹൃത്തുക്കളെ കൊണ്ട് ഉപകാരങ്ങള്‍, ഉപകാര സ്മരണ കാണിക്കും, സാമ്പത്തിക പ്രശ്നങ്ങള്‍ക്ക് സമാധാനം.
അത്തം: നിര്‍മ്മാണ പ്രവര്‍ത്തികളിലുള്ള തടസങ്ങള്‍ മാറിക്കിട്ടും, കുടുംബത്തില്‍ സന്തോഷം കളിയാടും, പരസഹായത്താല്‍ സുഖാനുഭങ്ങള്‍, സഹോദരരിൽ നിന്നും സഹായം ഉണ്ടാകും.
ചിത്തിര: ചതിക്കപ്പെടാനോ വഞ്ചിതരാകാനോ സാദ്ധ്യത, ദൂരയാത്രാക്ലേശം, ദൈവീക ചിന്ത ഉടലെടുക്കും, സ്ത്രീകള്‍ മൂലം സുഖവും സമാധാനവും വ്യക്തി ജീവിതത്തിലുണ്ടാകും.
ചോതി : നയപരമായി കാര്യങ്ങള്‍ തങ്ങള്‍ക്കനുകൂലമാക്കും, ബന്ധു സമാഗമം, സഹോദര സ്ഥാനീയരുമായി കലഹത്തിനു സാദ്ധ്യത, സ്ത്രീ സംബന്ധ വിഷയങ്ങളില്‍ കരുതല്‍ വേണം
വിശാഖം: വാഗ്‌ദാനങ്ങളിൽ അകപ്പെട്ടു പോകരുത്,കുടുബവുമായി അകല്‍ച്ചയുണ്ടാകാതെ ശ്രദ്ധിക്കണം, സന്താന ലഭ്യത, മതപരമായ ചടങ്ങുകളില്‍ പങ്കെടുക്കും, ഉന്നതസ്ഥാനീയരിൽ നിന്നും സഹായ സഹകരണങ്ങള്‍ ലഭിക്കും.
അനിഴം: സ്ത്രീ വിഷയങ്ങളില്‍ ഉണ്ടായിരുന്ന വിഷമതകള്‍ മാറിക്കിട്ടും,ദാമ്പത്യ സുഖകൂടുതൽ അനുഭവത്തിൽ വരും, സാഹസികതയിൽ നിന്നും ഒഴിഞ്ഞു നിൽക്കണം, ബന്ധുക്കളില്‍ നിന്നുമുള്ള എതിര്‍പ്പുകള്‍ രൂക്ഷമാകും.
കേട്ട: പങ്കാളിയെ തൊഴില്‍ സംബന്ധമായി പിരിഞ്ഞിരിക്കേണ്ടി വരും, ദൂരയാത്രാക്ലേശവും പണച്ചെലവും, പ്രയത്നത്തിന് തക്കവണ്ണം സാമ്പത്തിക ലാഭം, പ്രാര്‍ത്ഥനക്ക് ഫലം കിട്ടും,എതിർത്തു കൊണ്ടിരുന്നവര്‍ അനുകൂലമായി സംസാരിക്കും.
മൂലം: ആപത്തുകളില്‍ നിന്നും മോചനം,ആത്മീയ കാര്യങ്ങളില്‍ താല്‍പ്പര്യം കൂടും, പ്രണയ കാര്യങ്ങളില്‍ അനുകൂല തീരുമാനം, സുഹൃത്തുക്കളില്‍ നിന്നും സഹായം ലഭിക്കും,ആരോഗ്യപരമായി കരുതല്‍ വേണം, ജാമ്യം നില്‍ക്കുന്നത് ഒഴിവാക്കുക.
പൂരാടം: ഫലപ്രദമായ രീതിയില്‍ തൊഴില്‍ മാറ്റം, പ്രവൃത്തിവിജയം, ജീവിതത്തില്‍ പലവിധത്തിലും ഉള്ള പുരോഗതി, സാമ്പത്തിക കാര്യങ്ങളില്‍ മേന്മ,ഉല്ലാസ യാത്രകള്‍ നടത്തും,കലാ പ്രവൃത്തികളിൽ വിജയവും അംഗീകാരവും.
ഉത്രാടം: മുമ്പുണ്ടായിരുന്നതിനേക്കാള്‍ സമാധാനവും സന്തോഷവും അനുഭവപ്പെടും,വ്യവഹാരങ്ങളില്‍ വിജയം,വിദ്യാപരമായ മുന്നേറ്റം, കുടുംബസുഖം,എല്ലാവരോടും നീതി പൂർവം പെരുമാറും,തൊഴിലില്‍ മേന്മ,കീര്‍ത്തി പദവി എന്നിവ ലഭിക്കും.
തിരുവോണം: അഭിമാനകരമായ സംഗതികള്‍ ഉണ്ടാകും, നന്മയും സത്യസന്ധതയും ഉണ്ടായിരിക്കും,പൊതു പ്രവര്‍ത്തകര്‍ക്ക് അംഗീകാരവും മാന്യതയും ലഭിക്കും, ഉല്ലാസകരമായ അനുഭവങ്ങള്‍, സ്ത്രീകള്‍ മുഖേന സന്തോഷവും കിട്ടും.
അവിട്ടം: പ്രണയിക്കുന്നവർക്ക് കുടുംബത്തില്‍ നിന്നും ഉണ്ടായിരുന്ന എതിർപ്പുകൾ അവസാനിക്കും, കുടുംബകാര്യങ്ങളില്‍ മുമ്പില്ലാത്ത കരുതല്‍കാണിക്കും, അന്യദേശത്ത് നിന്നും ജോലി അറിയിപ്പുകള്‍ കിട്ടും, നഷ്ടപെട്ടെന്നു കരുതിയ രേഖകള്‍ തിരികെ ലഭിക്കും.
ചതയം: മനസിൽ ഉദ്ദേശിച്ച സംഗതികള്‍ നടപ്പിലാക്കാന്‍ സാധിക്കും, കലാപരമായ കാര്യങ്ങള്‍ക്കായി കൂടുതല്‍ സമയം ചെലവഴിക്കും, യുവതീയുവാക്കളുടെ വിവാഹ കാര്യങ്ങളില്‍ തീരുമാനം, ജോലിയില്‍ അനുകൂലമായ മാറ്റം പ്രതീക്ഷിക്കാം.
പൂരുരുട്ടാതി: പരിശ്രമങ്ങള്‍ക്ക് അനുകുലമായ ഫലം കിട്ടില്ല, രോഗാരിഷ്ടത,അശുഭകരമായ വാര്‍ത്തകള്‍ ശ്രവിക്കേണ്ടി വരും, ദാമ്പത്യ സുഖക്കുറവ്, ശത്രു ദോഷം, കളത്രദുഃഖം.
ഉത്രട്ടാതി: മേലുദ്യോഗസ്ഥരുടെ അപ്രീതിക്ക് പാത്രമാകും, ആലോചിച്ചു മാത്രം തീരുമാനങ്ങള്‍ എടുക്കുക, ഉദരരോഗം വരാം, തൊഴിൽ നഷ്ടം സംഭവിക്കാം, കുടുംബത്തില്‍ കലഹങ്ങള്‍ ഉണ്ടാകാതെ ശ്രദ്ധിക്കണം, സ്ത്രീകൾമൂലം ദുഃഖം.
രേവതി: യാത്രയിൽ പ്രശ്നങ്ങളും ധനനഷ്ടവും, സാമ്പത്തിക ബുദ്ധിമുട്ടുകൾ രൂക്ഷമാകും,രോഗാവസ്ഥ ചിലരുടെ കാര്യത്തില്‍ കൂടിയേക്കാം, എല്ലാ കാര്യത്തിലും തടസങ്ങൾ,അന്യരാൽ പ്രയാസങ്ങള്‍ ഉണ്ടാകും.