ബംഗളൂരു: പാറക്കെട്ടിലേക്ക് വീണ പത്തൊൻപതുകാരനെ വ്യോമസേനയും പൊലീസും ചേർന്ന് രക്ഷപ്പെടുത്തി. കർണാടകയിൽ നന്ദി ഹിൽസിലാണ് സംഭവം. 200 അടി താഴ്ചയിലേക്കാണ് യുവാവ് വീണത്. ഇന്നലെ വൈകിട്ടോടെയാണ് വിദ്യാർത്ഥിയെ ചിക്കബെല്ലാപ്പൂർ പൊലീസും വ്യോമസേനയും ചേർന്ന് രക്ഷപ്പെടുത്തിയത്.

ഡൽഹിയിൽ നിന്നുള്ള പത്തൊൻപതുകാരനായ നിഷാങ്ക് ആണ് അപകടത്തിൽപ്പെട്ടത്. യുവാവ് ബംഗളൂരു എഞ്ചിനിയറിംഗ് കോളേജിലാണ് പഠിക്കുന്നത്. ട്രക്കിംഗിനായി ഒറ്റയ്ക്കാണ് ഇയാൾ ഇവിടേക്ക് എത്തിയത്. കാൽ വഴുതിയാണ് അപകടം ഉണ്ടായത്.

യുവാവിനെ രക്ഷപ്പെടുത്തുന്നതിന്റെ വിഡിയോ സോഷ്യൽ മീഡിയയിൽ വ്യാപകമായി പ്രചരിക്കുന്നുണ്ട്. ദിവസങ്ങൾക്ക് മുൻപാണ് പാലക്കാട് മലമ്പുഴയിൽ ചെറാട് കുമ്പാച്ചി മലയിൽ ബാബു എന്ന യുവാവ് കുടുങ്ങിയത്. മുക്കാൽ കോടിയോളം രൂപ ചെലവഴിച്ചാണ് ഇയാളെ രക്ഷപ്പെടുത്തിയത്. ഇതിനുപിന്നാലെയാണ് രാജ്യത്ത് വീണ്ടും ഇത്തരത്തിലൊരു സംഭവം റിപ്പോർട്ട് ചെയ്തിരിക്കുന്നത്.

#WATCH Karnataka | Indian Air Force and Chikkaballapur Police rescued a 19-year-old student who fell 300 ft from a steep cliff onto a rocky ledge at Nandi Hills this evening pic.twitter.com/KaMN7zBKAJ

— ANI (@ANI) February 20, 2022