2020ലെ ജെ.സി ഡാനിയേൽ പുരസ്കാര സമർപ്പണം ഇന്ന് വൈകിട്ട് ആറിന് യൂണിവേഴ്സിറ്റി സെനറ്റ് ഹാളിൽ നടക്കുന്ന ചടങ്ങിൽ മുഖ്യമന്ത്രി പിണറായി വിജയൻ നിർവഹിക്കും.പിന്നണി ഗായകൻ പി. ജയചന്ദ്രൻ പുരസ്കാരം ഏറ്റുവാങ്ങും. സാംസ്കാരിക മന്ത്രി സജി ചെറിയാൻ അദ്ധ്യക്ഷത വഹിക്കും. മന്ത്രി ആന്റണി രാജു അനുമോദന പ്രഭാഷണം നടത്തും.
പുരസ്കാര സമർപ്പണത്തെ തുടർന്ന് ജയചന്ദ്രന്റെ ഗാനങ്ങൾ കോർത്തിണക്കി ‘ഭാവഗാന സാഗരം’ സംഗീതപരിപാടി നടക്കും. 26ാമത് ഐ.എഫ്.എഫ്.കെയുടെ ഡിസൈൻ പ്രകാശനം മേയർ ആര്യ രാജേന്ദ്രൻ നിർവഹിക്കും. ജെ.സി ഡാനിയേൽ അവാർഡ് ജൂറി ചെയർമാൻ അടൂർ ഗോപാലകൃഷ്ണൻ, കെ.എസ്.എഫ്.ഡി.സി ചെയർമാൻ ഷാജി എൻ.കരുൺ, ചലച്ചിത്ര സംഗീത നിരൂപകൻ രവി മേനോൻ, സാംസ്കാരിക വകുപ്പ് പ്രിൻസിപ്പൽ സെക്രട്ടി റാണി ജോർജ്, ചലച്ചിത്ര അക്കാഡമി ചെയർമാൻ രഞ്ജിത്, വൈസ് ചെയർമാൻ പ്രേംകുമാർ, സെക്രട്ടറി സി.അജോയ് എന്നിവർ സന്നിഹിതരായിരിക്കും.