സാമന്ത നായികയായി എത്തുന്ന ബിഗ് ബഡ്‌ജറ്റ് ചിത്രം ശാകുന്തളം ഫസ്‌റ്റ് ലുക്ക് പോസ്റ്റർ പുറത്തിറക്കി. ശകുന്തള എന്ന ടൈറ്റിൽ കഥാപാത്രത്തെയാണ് സാമന്ത അവതരിപ്പിക്കുന്നത്. മലയാളം, കന്നട, ഹിന്ദി, തമിഴ്, തെലുങ്ക് ഉൾപ്പെടെ അഞ്ച് ഭാഷകളിലായി എത്തുന്ന ചിത്രം കാളിദാസന്റെ ശാകുന്തളത്തെ ആസ്‌പദമാക്കിയാണ് ഒരുക്കുന്നത്. രുദ്രമാദേവിക്കു ശേഷം ഗുണശേഖരയാണ് ചിത്രം സംവിധാനം ചെയ്യുന്നത്. സൂഫിയും സുജാതയിലൂടെ ശ്രദ്ധേയനായ ദേവ് മോഹനാണ് ദുഷ്യന്തനായി എത്തുന്നത്. മോഹൻബാബു, പ്രകാശ് രാജ്, ഗൗതമി, അദിതി ബാലൻ, അനന്യ നാഗെല, മധുബാല, കബീർ ബേഡി എന്നിവർക്കൊപ്പം അല്ലു അർജുന്റെ മകൾ അല്ലു അർഹയും പ്രധാന വേഷത്തിൽ എത്തുന്നു. നീലിമ ഗുണയും ദിൽരാജുവും ചേർന്നാണ് നിർമ്മാണം.