ഡൊണെസ്ക് പീപ്പിൾസ് റിപ്പബ്ലിക്,​ ലുഹാൻസ്ക് പീപ്പിൾസ് റിപ്പബ്ലിക്

 കിഴക്കൻ യുക്രെയിനിലെ ഡോൺബാസ് മേഖലയിലെ വിമത പ്രദേശങ്ങൾ

 ഒരിക്കൽ യുക്രെയിനിന്റെ വ്യാവസായിക ഹൃദയമായിരുന്ന മേഖല

 റഷ്യൻ അതിർത്തിയിൽ കരിങ്കടലിന്റെ വടക്കൻ തീരത്താണ് ഇരു പ്രദേശങ്ങളും

 സോവിയറ്റ് കാലഘട്ടത്തിൽ രണ്ടാം ലോകമഹായുദ്ധത്തിന് ശേഷം നിരവധി റഷ്യൻ തൊഴിലാളികൾ ഈ മേഖലയിലേക്ക് കുടിയേറി

 റഷ്യൻ ഭാഷ സംസാരിക്കുന്ന പ്രവിശ്യകൾ

 ഡൊണെസ്ക് മുമ്പ് സ്റ്റാലിനോ എന്നാണ് അറിയപ്പെട്ടിരുന്നത്. സ്റ്റീൽ ഉത്പാദനത്തിലും മുൻനിരയിൽ

 ഖനനത്തിന് പേരുകേട്ട മേഖല

 ഡൊണെസ്കിൽ ഏകദേശം 20 ലക്ഷവും ലുഹാൻസ്കിൽ 15 ലക്ഷവും ജനങ്ങൾ ജീവിക്കുന്നു

 ലുഹാൻസ്കിന്റെ പഴയ പേര് 'വൊറൊഷിലോവ്‌ഗ്രാഡ് " എന്നായിരുന്നു

 2014ൽ റഷ്യ ക്രൈമിയ പിടിച്ചെടുത്തതിനു പിന്നാലെ, യുക്രെയിൻ സർക്കാരിന്റെ നിയന്ത്രണത്തിൽ നിന്ന് പിരിഞ്ഞ് സ്വയം പ്രഖ്യാപിത റിപ്പബ്ലിക്കുകളായി നിലകൊള്ളുന്നു

 നിലവിൽ റഷ്യൻ പിന്തുണയുള്ള വിമതരുടെ നിയന്ത്രണത്തിലാണ് രണ്ടു പ്രദേശങ്ങളും

 കൊവിഡ് വാക്സിനുകൾ ഉൾപ്പെടെ മേഖലയിൽ റഷ്യ വിതരണം ചെയ്തിരുന്നു

 ഇവിടുത്തെ ജനങ്ങൾക്ക് ഏകദേശം 8 ലക്ഷം പാസ്പോർട്ടുകൾ വിതരണം ചെയ്തിട്ടുണ്ടെന്നാണ് റിപ്പോർട്ട്

 സൈനിക, സാമ്പത്തിക പിന്തുണയും റഷ്യ മേഖലയിലെ വിമതർക്ക് നൽകുന്നു

 ഡൊണെസ്കിനും ലുഹാൻസ്കിനും സ്വയം പ്രഖ്യാപിത തലവന്മാരുണ്ട്

 ഡെനിസ് പുഷ്‌ലിൻ ആണ് ഡൊണെസ്ക് പീപ്പിൾസ് റിപ്പബ്ലിക്കിന്റെ നേതാവ്

 ലുഹാൻസ്ക് പീപ്പിൾസ് റിപ്പബ്ലിക്കിന്റെ നേതാവ്‌ ലിയനിഡ് പസെഷ്‌നിക്

 2014 മുതൽ ഇരു പ്രദേശങ്ങളിലെയും റഷ്യൻ അനുകൂല വിമതർ യുക്രെയിൻ സൈന്യവുമായി ഏറ്റുമുട്ടലുകൾ നടത്തിവരുന്നു. അന്നുമുതൽ ഏകദേശം 14,000 പേർക്ക് ഏറ്റുമുട്ടലുകളിൽ ജീവൻ നഷ്ടമായി

 കഴിഞ്ഞ ദിവസങ്ങളിൽ മേഖലയിൽ ഷെല്ലാക്രമണം ശക്തമായിരുന്നു

 കഴിഞ്ഞ ദിവസമാണ് റഷ്യ ഇരുമേഖലകളെയും സ്വതന്ത്ര രാഷ്ട്രങ്ങളായി അംഗീകരിച്ചത്. മറ്റു രാജ്യങ്ങൾ അംഗീകരിച്ചിട്ടില്ല