കെപിഎസി ലളിതയ്ക്ക് ആദരാഞ്ജലികൾ അർപ്പിച്ച് നടൻ ബാലചന്ദ്ര മേനോൻ. നിരവധി ചിത്രങ്ങളിൽ തന്റെ അമ്മയായും ചേച്ചിയായും അമ്മായി അമ്മയായും അഭിനയിച്ച പ്രിയ നടിയാണ് കെപിഎസി ലളിത. അദ്ദേഹം സംവിധാനം ചെയ്ത ചിത്രങ്ങളിലും ലളിതാമ്മ അഭിനയിച്ചിട്ടുണ്ട്. അഞ്ഞൂറിലേറെ ചിത്രങ്ങളിൽ അവർ അഭിനയിച്ചിട്ടുണ്ടെങ്കിലും തന്റെ മനസിൽ എന്നും നിറഞ്ഞു നിൽക്കുന്നത് 'അനുഭവഭങ്ങൾ പാളിച്ചകൾ' എന്ന ചിത്രത്തിലെ' കല്യാണി കളവാണി' എന്ന പാട്ട് പാടുന്ന ലളിതാമ്മയെയാണെന്നും അദ്ദേഹം പറയുന്നു. 'ചൂട് പുന്നെല്ലിന്റെ ചോറിൽ കട്ട തൈരൊഴിച്ച് അതിൽ ആരോഗ്യമുള്ള പച്ചമുളക് ഞവടി കഴിക്കുന്ന സുഖമാണ് എനിക്ക് അവരുടെ അഭിനയം കാണുമ്പോൾ. എന്നും നല്ല ഓർകളിൽ ആ കലാകാരി ജീവിക്കും.'- ബാലചന്ദ്ര മേനോൻ ഫേസ്ബുക്കിൽ കുറിച്ചു.

ഫേസ്ബുക്ക് പോസ്റ്റിന്റെ പൂർണരൂപം:

'കുടുംബപുരാണത്തിൽ ' എന്റെ അമ്മയായി .....

'സസ്നേഹത്തിൽ ' എന്റെ ചേച്ചിയായി ...

'മേലെ വാര്യത്തെ മാലാഖകുട്ടികളിൽ ' അമ്മായി അമ്മയായി ...

കൂടാതെ, .ഞാൻ സംവിധാനം ചെയ്ത മൂന്നു ചിത്രങ്ങളിൽ ലളിതാമ്മ അഭിനയിച്ചു .

'വിവാഹിതരെ ഇതിലെ ' ഇന്നസെന്റുമൊത്തുള്ള ആദ്യ ചിത്രമെന്നു സംശയം ..

പിന്നീട് ആ കൂട്ടുകെട്ട് കാണികൾക്കു പ്രിയമായി ...

'മണിച്ചെപ്പു തുറന്നപ്പോൾ ' ,'അമ്മയാണെ സത്യം ' എന്നീ ചിത്രങ്ങളിലും സഹകരിച്ചു .

എന്റെ 'റോസ്സ് ദി ഫാമിലി ക്ലബ്ബി'ലും ഒരിക്കൽ അതിഥിയായി വന്നു ...

അഞ്ഞൂറിലേറെ ചിത്രങ്ങളിൽ അഭിനയിച്ചതായിട്ടാണ് കണക്ക് ..

എന്നാൽ എന്റെ മനസ്സിൽ പതിഞ്ഞതും നിറഞ്ഞു നിൽക്കുന്നതും ' അനുഭവങ്ങൾ പാളിച്ചകളിൽ ' 'കല്യാണി കളവാണി ' എന്ന പാട്ടു പാടുന്ന കെ .പി. എ .ലളിതയാണ്..

പണ്ടെങ്ങോ ഞാൻ അവരെ പറ്റി പറഞ്ഞ വാക്കുകൾ ബഹുമാനപൂർവ്വം ആവർത്തിക്കട്ടെ :-

"ചൂട് പുന്നെല്ലിന്റെ ചോറിൽ കട്ട തൈരൊഴിച്ചു സമൃദ്ധമായി കുഴച്ചു, അതിൽ ആരോഗ്യമുള്ള തുടുത്ത ഒരു പച്ചമുളക് ഞവടി കഴിക്കുന്ന സുഖമാണ് എനിക്ക് അവരുടെ അഭിനയം കാണുമ്പോൾ .."

എന്നും നല്ല ഓർമ്മകളിൽ ആ കലാകാരി ജീവിക്കും ....

that's ALL your honour !