തലശ്ശേരി: കൊല്ലപ്പെട്ട സി പി എം പ്രവർത്തകൻ ഹരിദാസനെ വധിക്കാൻ മുൻപും ശ്രമം നടന്നു. ഒരാഴ്ച മുൻപായിരുന്നു വധിക്കാൻ പദ്ധതിയിട്ടത്. കേസിലെ രണ്ടാം പ്രതിയായ പുന്നോൽ കെ വി ഹൗസിൽ കെ വി വിമിന്റെ കുറ്റസമ്മത മൊഴിയിലാണ് ഇക്കാര്യം വ്യക്തമായതെന്ന് അന്വേഷണ സംഘം പറഞ്ഞു.

ഇപ്പോൾ പൊലീസിന്റെ കസ്റ്റഡിയിലുള്ള നിജിൻ ദാസിന്റെ നേതൃത്വത്തിലായിരുന്നു പദ്ധതി. പതിനാലാം തീയതി രാത്രി പത്ത് മണിക്കായിരുന്നു ഹരിദാസനെ കൊലപ്പെടുത്താൻ പദ്ധതിയിട്ടത്. എന്നാൽ അന്ന് പല കാരണങ്ങൾ കൊണ്ടും കൃത്യം നടത്താൻ കഴിഞ്ഞില്ല.

കഴിഞ്ഞ ഞായറാഴ്ച പുലർച്ചെയായിരുന്നു മത്സ്യത്തൊഴിലാളിയായ ഹരിദാസ് കൊല്ലപ്പെട്ടത്. ജോലി കഴിഞ്ഞ് മടങ്ങി വരവേ വീടിന് സമീപമായിരുന്നു ആക്രമണം നടന്നത്. കേസിൽ ബി ജെ പി മണ്ഡലം പ്രസിഡന്റും തലശേരി നഗരസഭാ കൗൺസിലറുമായ കൊമ്മൽ വയലിലെ ശങ്കരനെല്ലൂർ കെ ലിജേഷ് (40), പുന്നോൽ കെ വി ഹൗസിൽ കെ വി വിമിൻ (26), പുന്നോൽ ദേവികൃപയിൽ അമൽ മനോഹരൻ (27), ഗോപാല പേട്ടയിലെ മണി എന്ന സുനേഷ് (28) എന്നിവരാണ് ഇതുവരെ അറസ്റ്റിലായത്.

ലിജേഷ് ആണ് കൊലപാതകത്തിന്റെ മുഖ്യസൂത്രധാരൻ എന്നാണ് പൊലീസ് പറയുന്നത്. ആത്മജൻ എന്നയാളുടെ നേതൃത്വത്തിലുള്ള ക്വട്ടേഷൻ സംഘമാണ് കൃത്യം നടത്തിയതെന്നാണ് അന്വേഷണ ഉദ്യോഗസ്ഥരുടെ സംശയം. രണ്ട് ബൈക്കുകളിലായാണ് കൊലയാളികൾ എത്തിയത്.

ഫെ​ബ്രു​വ​രി​ ​അ​ഞ്ചി​ന് ​സ​മീ​പ​ത്തു​ള്ള​ ​കോ​ലോ​ത്ത് ​ക്ഷേ​ത്ര​ത്തി​ലെ​ ​ഉ​ത്സ​വ​ത്തി​നി​ടെ​ ​ബി ജെ പി -​ സി പി എം​ ​പ്ര​വ​ർ​ത്ത​ക​ർ​ ​തമ്മിൽ സംഘർഷമുണ്ടായിരുന്നു.​ അന്ന് ഹ​രി​ദാ​സ​ന്റെ​ ​സ​ഹോ​ദ​ര​ൻ​ ​സു​രേ​ന്ദ്ര​ന് ​പ​രി​ക്കേ​ൽ​ക്കു​ക​യും​ ​ചെ​യ്തു.​ ​സംഭവത്തിൽ അ​ഞ്ച് ​ബി ജെ പി​ ​പ്ര​വ​ർ​ത്ത​ക​ർ​ക്കെ​തി​രെ​ ​കേ​സെ​ടു​ത്തിരുന്നു.​ ​ഇ​ത് ​ഹ​രി​ദാ​സ​ൻ​ ​പ​റ​ഞ്ഞു​ ​കൊ​ടു​ത്ത​ത​നു​സ​രി​ച്ചാ​ണെ​ന്ന് ​കരുതി​ ​എ​തി​ർ​പ​ക്ഷം​ ​ഭീ​ഷ​ണി​ ​മു​ഴ​ക്കിയിരുന്നു.​ ​