തിരുവനന്തപുരം: ആലപ്പുഴ ജില്ലാ കളക്‌ടറായി ഡോ.രേണു രാജ് എത്തുന്നതോടെ സംസ്ഥാനത്തെ പത്ത് ജില്ലകളിൽ ഇനി വനിതാ കളക്ടർമാർ ഭരിക്കും. സംസ്ഥാന ചരിത്രത്തിൽ തന്നെ ആദ്യത്തെ സംഭവമാണ്. മാർച്ച് ആദ്യം തന്നെ രേണു രാജ് ചുമതലയേൽക്കും.
ഡോ. നവ്‌ജ്യോത് ഖോസ (തിരുവനന്തപുരം), അഫ്സാന പർവീൺ (കൊല്ലം), ദിവ്യ എസ് അയ്യർ (പത്തനംതിട്ട), ഡോ.പി കെ ജയശ്രീ (കോട്ടയം), ഷീബ ജോർജ് (ഇടുക്കി), ഹരിത വി കുമാർ (തൃശൂർ), മൃൺമയി ജോഷി (പാലക്കാട്), ഡോ. എ ഗീത (വയനാട്) , ഭണ്ഡാരി സ്വാഗത് രൺവീർ ചന്ദ് (കാസർകോട്) എന്നിവരാണ് മറ്റു വനിതാ കളക്ടർമാർ. കൊല്ലം കളക്ടർ അഫ്സാന പർവീണിന്റെ ഭർത്താവ് ജാഫർ മാലിക്ക് എറണാകുളം കലക്‌ടറാണെന്ന പ്രത്യേകതയുമുണ്ട്.
ഇവരിൽ തിരുവനന്തപുരം കളക്ടർ ഡോ. നവ്‌ജ്യോത് ഖോസയും പാലക്കാട് കളക്ടർ മൃൺമയി ജോഷിയും റവന്യൂ വകുപ്പിന്റെ മികച്ച കളക്ടർമാർക്കുള്ള അവാർഡ് നേടിയിരുന്നു.