കുഞ്ചാക്കോ ബോബനെ നായകനാക്കി രതീഷ് പൊതുവാൾ തിരക്കഥയെഴുതി സംവിധാനം ചെയ്യുന്ന ന്നാ താൻ കേസ് കൊട് ചെറുവത്തൂരിൽ ആരംഭിച്ചു. എം. രാജഗോപാൽ എം.എൽ.എ ഭദ്രദീപം കൊളുത്തി പൂജാ ചടങ്ങിനു തുടക്കം കുറിച്ചു.
ആൻഡ്രോയിഡ് കുഞ്ഞപ്പൻ,കനകം കാമിനി കലഹം എന്നി ചിത്രങ്ങൾക്കു ശേഷം രതീഷ് പൊതുവാൾ തിരക്കഥയെഴുതി സംവിധാനം ചെയ്യുന്ന
ഈ ചിത്രത്തിൽ ഗായത്രി ശങ്കർ നായികയാവുന്നു.ഗായത്രി ശങ്കർ ആദ്യമായി അഭിനയിക്കുന്ന മലയാള ചിത്രമാണിത്. 'നടുവിലെ കൊഞ്ചം പക്കത്തെ കാണോം', 'സൂപ്പർ ഡീലക്സ്'എന്നീ തമിഴ് ചിത്രങ്ങളിൽ ഗായത്രി ശങ്കർ അഭിനയിച്ചിട്ടുണ്ട് സന്തോഷ് ടി. കുരുവിള നിർമ്മിക്കുന്ന ചിത്രത്തിന്റെ ഛായാഗ്രാഹണം രാകേഷ് ഹരിദാസ് നിർവഹിക്കുന്നു.
ഷെർനി എന്ന ഹിന്ദി ചിത്രത്തിന് ഛായാഗ്രാഹണം നിർവഹിച്ചത് രാകേഷ് ഹരിദാസാണ്. പ്രൊഡക്ഷൻ ഡിസൈനർ ജ്യോതിഷ് ശങ്കർ,പ്രൊഡക്ഷൻ കൺട്രോളർ ബെന്നി കട്ടപ്പന.