കോട്ടയ്ക്കൽ: ആര്യവൈദ്യശാലയുടെ തിരൂർ ബ്രാഞ്ചിൽ വാക്-ഇൻ ട്രീറ്റ്‌മെന്റുകളുടെ സൗകര്യം മാനേജിംഗ് ട്രസ്റ്റിയും ചീഫ് ഫിസിഷ്യനുമായ ഡോ. പി.എം. വാരിയർ ഭദ്രദീപം കൊളുത്തി ഉദ്ഘാടനം ചെയ്തു. ആശുപത്രിവാസം ഒഴിവാക്കി ബ്രാഞ്ചിൽ വന്ന് ചികിത്സതേടി വീടുകളിലേയ്ക്ക് അന്നന്നുതന്നെ മടങ്ങിപ്പോകാവുന്ന സംവിധാനമാണ് വാക്-ഇൻ ട്രീറ്റ്‌മെന്റിലൂടെ ഉറപ്പാക്കുന്നത്. വിദഗ്ദ്ധരായ ഡോക്ടർമാരുടെയും പരിചയസമ്പന്നരായ സഹായികളുടെയും സേവനം ഇവിടെ ലഭ്യമാണ്.
തിരൂർ റെയിൽവേസ്റ്റേഷന് എതിർവശത്താണ് സ്ഥാപനം. ആര്യവൈദ്യശാല സി.ഇ.ഒ. ഡോ. ജി.സി. ഗോപാലപിള്ള, അഡീഷണൽ ചീഫ് ഫിസിഷ്യനും ട്രസ്റ്റിയുമായ ഡോ. കെ. മുരളീധരൻ, ട്രസ്റ്റി കെ.ആർ. അജയ്, പി. രാജേന്ദ്രൻ (ജോയ്ന്റ് ജനറൽ മാനേജർ, കോർപറേറ്റ് അഫയേഴ്സ്), പി.എസ്. സുരേന്ദ്രൻ (ചീഫ് മാനേജർ, ഫെസിലിറ്റി മാനേജ്‌മെന്റ്), എ. സുകുമാരൻ (ചീഫ് മാനേജർ, സിവിൽ), വിനോദ് നാരായണൻ (ചീഫ് മാനേജർ, എൻജിനിയറിംഗ്), ടി.സി. നന്ദകുമാർ (ഹെഡ്-മാർക്കറ്റിംഗ്, ഒ.ടി.സി), പി. വേണുഗോപാലൻ (അഡീഷണൽ ഹെഡ്-മാർക്കറ്റിംഗ്), ഡോ. മുഹമ്മദ് അറാഫത്ത് (ബ്രാഞ്ച് മാനേജർ, തിരൂർ) എന്നിവർ സംബന്ധിച്ചു.
ആര്യവൈദ്യശാലയുടെ തിരൂർ ബ്രാഞ്ചിൽ വാക്-ഇൻ ട്രീറ്റ്‌മെന്റുകളുടെ സൗകര്യം മാനേജിംഗ് ട്രസ്റ്റിയും ചീഫ് ഫിസിഷ്യനുമായ ഡോ. പി.എം. വാരിയർ ഭദ്രദീപം കൊളുത്തി ഉദ്ഘാടനം ചെയ്യുന്നു.