പാലക്കാട്: നഗരത്തിലും പരിസരപ്രദേശങ്ങളിലും മൊബൈൽ ഫോൺ മോഷ്ടിക്കുന്നയാളെ ടൗൺ സൗത്ത് പൊലീസ് പിടികൂടി. കൽപ്പാത്തി സുന്ദരംകോളനി സ്വദേശി ബാറ്ററി യൂസഫ് എന്ന യൂസഫാണ് (38) അറസ്റ്റിലായത്. ഇയാളെ കോടതിയിൽ ഹാജരാക്കി റിമാൻഡ് ചെയ്തു. തിങ്കളാഴ്ച റോബിൻസൺ റോഡിലെ സ്വകാര്യ സ്ഥാപനത്തിൽ കയറി മൊബൈൽ മോഷ്ടിച്ചിരുന്നു. ഉടമ നൽകിയ പരാതിയുടെ അടിസ്ഥാനത്തിൽ സൗത്ത് ഇൻസ്‌പെക്ടർ ടി.ഷിജു എബ്രാഹാമിന്റെ നേതൃത്വത്തിൽ നടത്തിയ അന്വേഷണത്തിലാണ് ഇയാളെ പിടികൂടിയത്. ഇയാൾ നിരവധി മോഷണ കേസുകളിലെ പ്രതിയാണെന്ന് പൊലീസ് പറഞ്ഞു. 12 ഓളം കേസുകൾ വിവിധ സ്റ്റേഷനുകളായി പ്രതിക്കെതിരെയുണ്ട്.