കോന്നി: എസ്.എസ്.എൽ.സി, പ്ലസ്ടു ഫോക്കസ് ഏരിയ നിർണയത്തിലെ അപാകതകൾ പരിഹരിക്കണമെന്ന് ആവശ്യപ്പെട്ട് കേരള പ്രദേശ് സ്കൂൾ ടീച്ചേഴ്സ് അസോസിയേഷൻ (കെ.പി.എസ്. ടി. എ) കോന്നി ഉപജില്ലാ വിദ്യാഭ്യാസ ഓഫീസ് പടിക്കൽ നടത്തിയ ധർണ സംസ്ഥാന ട്രഷറർ എസ്.സന്തോഷ് കുമാർ ഉദ്ഘാടനം ചെയ്തു. ഉപജില്ലാ പ്രസിഡന്റ് ഡാനിഷ് പി.ജോൺ അദ്ധ്യക്ഷത വഹിച്ചു. ജില്ലാ പ്രസിഡന്റ് എസ്.പ്രേം, സെക്രട്ടറി വി.ജി കിഷോർ, ടോമിൻ പടിയറ, ഷിബു തോമസ്, എസ്.ശരവണൻ എന്നിവർ പ്രസംഗിച്ചു. പത്തനംതിട്ട ഉപജില്ലാ ഓഫീസ് പടിക്കൽ നടന്ന ധർണ സംസ്ഥാന നിർവാഹക സമിതി അംഗം ഫിലിപ്പ് ജോർജ് ഉദ്ഘാടനം ചെയ്തു. അടൂരിൽ ജില്ലാ ട്രഷറർ എസ് ദിലീപ് കുമാർ ഉദ്ഘാടനം ചെയ്തു.