കൊടുമൺ : ഗ്രാമപഞ്ചായത്തിൽനിന്ന് 2019 ഡിസംബർ 31 വരെയുള്ള സാമൂഹ്യസുരക്ഷാ ക്ഷേമനിധി ബോർഡ് പെൻഷൻ ഗുണഭോക്താക്കളിൽ ഇനിയും മസ്റ്ററിംഗ് പൂർത്തിയാക്കാത്ത ഗുണഭോക്താക്കൾ ഫെബ്രുവരി 1 മുതൽ 20 വരെ വിവിധ അക്ഷയകേന്ദ്രങ്ങൾ വഴി ബയോമെട്രിക് മസ്റ്ററിംഗ് നടത്തണം. കിടപ്പു രോഗികളായ പെൻഷൻ ഗുണഭോക്താക്കളുടെ ബന്ധുക്കൾ ഹോം മസ്റ്ററിംഗ് നടത്തുന്നതിന് പഞ്ചായത്തിൽ അപേക്ഷ സമർപ്പിക്കണം.
2019 ഡിസംബർ 31 വരെയുള്ള ഗുണഭോക്താക്കളിൽ ഇതുവരെയും മസ്റ്റർ ചെയ്തിട്ടില്ലാത്ത ഗുണഭോക്താക്കൾ മാത്രമെ മസ്റ്റർ ചെയ്യാവൂ. മസ്റ്ററിംഗ് പരാജയപ്പെടുന്നവർ ഫെബ്രുവരി 28 വരെ ലൈഫ് സർട്ടിഫിക്കറ്റ് സമർപ്പിച്ച് പൂർത്തിയാക്കണം.