ചെങ്ങന്നൂർ: സാക്ഷരതാ മിഷനും പൊതുവിദ്യാഭ്യാസ വകുപ്പും നടത്തുന്ന പത്താംതരം തുല്യതാ കോഴ്‌സിന്റെ പതിനാറാം ബാച്ചിലേക്കും ഹയർ സെക്കൻഡറി തുല്യതാ കോഴ്‌സിന്റെ ആറാമത് ബാച്ചിലേക്കും രജിസ്‌ട്രേഷൻ ആരംഭിച്ചു. ഏഴാംക്ലാസോ ഏഴാംതരം തുല്യതാ കോഴ്‌സോ വിജയിച്ചവർക്കും പത്താം ക്ലാസ് തോറ്റവർക്കും പത്താം തരം തുല്യതാ കോഴ്‌സിൽ രജിസ്റ്റർചെയ്യാം. പത്താം ക്ലാസ് വിജയിച്ചവർക്കും പ്രീഡിഗ്രി അല്ലെങ്കിൽ പ്ലസ് ടു തോറ്റവർക്കും ഹയർ സെക്കൻഡറി തുല്യതാ കോഴ്‌സിൽ ചേരാം. തുല്യതാ കോഴ്‌സ് വിജയിക്കുന്നവർക്ക് ഉപരിപഠനത്തിനും , പി.എസ്.സി പരീക്ഷ എഴുതുന്നതിനും ഉദ്യോഗക്കയറ്റത്തിനും അർഹത ഉണ്ടായിരിക്കും. ഫോൺ.6238602216, 8301049442