തിരുവല്ല: എസ്.എൻ.ഡി.പി.യോഗം ആഞ്ഞിലിത്താനം ശാഖയുടെ ശ്രീനാരായണ ഗുരുദേവ പാദുക പ്രതിഷ്‌ഠാ ക്ഷേത്രത്തിൽ പാദുകപൂജാ മഹോത്സവം കൊടിയേറി. ടി.കെ.ചന്ദ്രശേഖരൻ തന്ത്രി കൊടിയേറ്റ് കർമ്മം നിർവഹിച്ചു. ഇന്ന് രാവിലെ മുതൽ വിശേഷാൽ പൂജകൾ, 9.15 മുതൽ ഗുരുഭാഗവത പാരായണം. വൈകിട്ട് ദീപാരാധന. 5ന് രാവിലെ 9.15 മുതൽ ഭാഗവതപാരായണം. 6ന് രാവിലെ 9.15 മുതൽ ഗുരുഭാഗവതപാരായണം. ഉച്ചയ്ക്ക് 11.30ന് വിശേഷാൽ ഗുരുപൂജ. ഒന്നിന് പ്രസാദവിതരണം. വൈകിട്ട് 3 മുതൽ പ്രഭാഷണം. 7ന് രാവിലെ 8.30ന് ശിവപുരാണ പാരായണം. വൈകിട്ട് 7.35ന് ഗാനസന്ധ്യ. 8ന് രാവിലെ 9ന് മഹാദേവി ഭാഗവതപാരായണം. രാത്രി 11ന് പള്ളിവേട്ട . 9ന് രാവിലെ 8.15ന് നവകം. പഞ്ചഗവ്യപൂജ, 11ന് വിശേഷാൽ ഗുരുപൂജ. 4.10ന് ആറാട്ട് പുറപ്പാട്. 5ന് സേവ, 7 മുതൽ നാദസ്വര കച്ചേരി എന്നിവയുണ്ടാകും.
ഉത്സവ ചടങ്ങുകൾ കൊവിഡ് മാനദണ്ഡങ്ങൾ പാലിച്ച് നടക്കുന്നതിനാൽ https://youtu.be/Cd2Hfr7iSKA എന്ന ലിങ്കിലൂടെ ലൈവായി കാണാനുള്ള സൗകര്യം ഒരുക്കിയിട്ടുണ്ടെന്ന് ക്ഷേത്ര ഭാരവാഹികൾ അറിയിച്ചു.