കോഴഞ്ചേരി: കോഴിപ്പാലം - കാരയ്ക്കാട് റോഡിൽ പുനരുദ്ധാരണ പ്രവർത്തികൾ ആരംഭിക്കുന്നതിനാൽ ഈ റോഡിലെ വാഹന ഗതാഗതം ഈ മാസം ഏഴ് മുതൽ ഒരുമാസത്തേക്ക് താല്ക്കാലികമായി നിയന്ത്രിച്ചു. കുറിച്ചിമുട്ടം ഭാഗത്തുനിന്നും പൊയ്കമുക്കിലേക്ക് പോകേണ്ട വാഹനങ്ങൾ കുറിച്ചിമുട്ടം ജംഗ്ഷനിൽ നിന്ന് കിടങ്ങന്നൂർക്കുള്ള പാതയിലൂടെ മണപ്പളളി ജംഗ്ഷനിൽ എത്തി എലിമുക്ക്‌കോട്ട വഴി പൊയ്കമുക്കിൽ എത്തണം.

പൊയ്കമുക്കിൽ നിന്ന് കോഴിപ്പാലം കുറിച്ചിമുട്ടം ഭാഗത്തേക്ക് വരേണ്ട വാഹനങ്ങൾ കോട്ട എലിമുക്ക് മണപ്പളളി വഴി കുറിച്ചിമുട്ടം ഭാഗത്തേക്ക് പോകണമെന്ന് ജില്ലാ പൊതുമരാമത്ത് വകുപ്പ് നിരത്ത് ഉപവിഭാഗം അസിസ്റ്റന്റ് എക്‌സിക്യൂട്ടീവ് എൻജിനീയർ അറിയിച്ചു.