പ്രമാടം : കൊവിഡ് പ്രതിരോധ പ്രവർത്തനങ്ങളുടെ ഭാഗമായി പ്രമാടംപഞ്ചായത്തുതല സമിതി ചേർന്നു. പ്രസിഡന്റ് എൻ. നവനിത്ത് അദ്ധ്യക്ഷത വഹിച്ചു. സ്റ്റാന്റിംഗ് കമ്മിറ്റി ചെയർമാൻമാർ, വില്ലേജ് ഓഫീസർ, പാർട്ടി പ്രതിനിധികൾ, പൊലീസ് ഉദ്യോഗസ്ഥർ, ആശാ പ്രവർത്തകർ, പഞ്ചായത്ത് സെക്രട്ടറി, ഹെൽത്ത് ഇൻസ്‌പെക്ടർ, അസിസ്​റ്റന്റ് സെക്രട്ടറി, ജനപ്രതിനിധികൾ ,ജാഗ്രത സമിതി അംഗങ്ങൾ എന്നിവർ പങ്കെടുത്തു.

പ്രധാന തീരുമാനങ്ങൾ.....
* കൊവിഡ് രോഗികളെ ആശുപത്രിയിൽ എത്തിക്കുന്നതിനു ആംബുലൻസ് സൗകര്യം ഏർപ്പെടുത്തി.
* എല്ലാ വാർഡുകളിലും ജാഗ്രതാ സമിതി കൂടണം.
* കൊവിഡ് പോസി​റ്റീവായ രോഗികൾക്ക് ഭക്ഷണം എത്തിക്കുന്നത് നടപടി സ്വീകരിക്കും.
*ആർ.ആർ.ടികളുടെ പ്രവർത്തനം ഊർജ്ജിതമാക്കും.
* കൊവിഡ് രോഗികൾക്ക് മരുന്നുകൾ എത്തിക്കുന്നതിന് ആശ പ്രവർത്തകരോടൊപ്പം ജാഗ്രതാ സമിതി അംഗങ്ങളെയും, വോളന്റിയേഴ്‌സിനെയും ഉൾപ്പെത്തും..