തിരുവല്ല: എസ്.എൻ.ഡി.പി.യോഗം ആഞ്ഞിലിത്താനം ശാഖയുടെ ശ്രീനാരായണ ഗുരുദേവ പാദുക പ്രതിഷ്‌ഠാ ക്ഷേത്രത്തിൽ സോപാനം പിത്തള കെട്ടിയത് സമർപ്പിച്ചു. തിരുവല്ല യൂണിയൻ പ്രസിഡന്റ് ബിജു ഇരവിപേരൂർ ഉദ്ഘാടനം ചെയ്തു ശാഖാ പ്രസിഡന്റ് എം.പി. ബിനുമോൻ അദ്ധ്യക്ഷനായി. യൂണിയൻ സെക്രട്ടറി അനിൽ എസ്.ഉഴത്തിൽ മുഖ്യപ്രഭാഷണം നടത്തി. ശാഖാ സെക്രട്ടറി കെ.ശശിധരൻ, വൈസ് പ്രസിഡന്റ് മോഹൻബാബു, യൂണിയൻ കമ്മിറ്റിയംഗം ടി.ഡി.സുനിൽകുമാർ, ക്ഷേത്രംതന്ത്രി ടി.കെ.ചന്ദ്രശേഖരൻ തന്ത്രി, മേൽശാന്തി ദീപു ശാന്തി, കമ്മിറ്റിയംഗങ്ങൾ എന്നിവർ പങ്കെടുത്തു. ഇന്ന് രാവിലെ 9.15മുതൽ ഗുരുഭാഗവതപാരായണം. ഉച്ചയ്ക്ക് 11.30ന് വിശേഷാൽ ഗുരുപൂജ. ഒന്നിന് പ്രസാദവിതരണം. ഗുരുദർശനത്തിന്റെ കാലികപ്രസക്തി എന്ന വിഷയത്തിൽ വൈകിട്ട് 4 മുതൽ ബിജു പുളിക്കലേടത്ത് പ്രഭാഷണം നടത്തും. 7ന് സംഗീതക്കച്ചേരി. നാളെ രാവിലെ 8.30ന് ശിവപുരാണ പാരായണം. വൈകിട്ട് 7.35ന് ഗാനസന്ധ്യ. 8ന് രാവിലെ 9ന് മഹാദേവി ഭാഗവതപാരായണം. രാത്രി 11ന് പള്ളിവേട്ട . 9ന് രാവിലെ 8.15ന് നവകം. പഞ്ചഗവ്യപൂജ, 11ന് വിശേഷാൽ ഗുരുപൂജ. 4.10ന് ആറാട്ട് പുറപ്പാട്. 5ന് സേവ, 7 മുതൽ നാദസ്വര കച്ചേരി എന്നിവയുണ്ടാകും. ഉത്സവ ചടങ്ങുകൾ https://youtu.be/Cd2Hfr7iSKA എന്ന ലിങ്കിലൂടെ ലൈവായി കാണാനുള്ള സൗകര്യം ഒരുക്കിയിട്ടുണ്ടെന്ന് ക്ഷേത്ര ഭാരവാഹികൾ അറിയിച്ചു.