ചെങ്ങന്നൂർ : എസ്.എൻ.ഡി.പി. യോഗം ചെങ്ങന്നൂർ യൂണിയനിൽ എറണാകുളം മുക്തിഭവന്റെ നേതൃത്വത്തിൽ യുവതിയുവാക്കൾക്കായുള്ള വിവാഹപൂർവ കൗൺസലിംഗ് ക്ലാസുകൾ 19, 20 തീയതികളിൽ നടക്കുമെന്ന് യൂണിയൻ കൺവീനർ അനിൽ പി. ശ്രീരംഗം അറിയിച്ചു. രാജേഷ് പൊന്മല, ഡോ. അനൂപ് വൈക്കം, ഡോ. ശരത് ചന്ദ്രൻ, കൊടുവഴങ്ങ ബാലകൃഷ്ണൻ, സുരേഷ് പരമേശ്വരൻ എന്നിവർ ക്ലാസുകൾ നയിക്കും. 19 ന് രാവിലെ 9.30 ന് യൂണിയൻ വൈസ് ചെയർമാൻ രാഖേഷ് കോഴഞ്ചേരിയുടെ അദ്ധ്യക്ഷതയിൽ കൂടുന്ന യോഗം യൂണിയൻ ചെയർമാൻ അനിൽ അമ്പാടി ഉദ്ഘാടനം ചെയ്യും. 20 ന് വൈകിട്ട് 4 ന് സമാപന സമ്മേളനത്തിൽ പഠിതാക്കൾക്കുള്ള സർട്ടിഫിക്കേറ്റ് വിതരണം യൂണിയൻ കൺവീനർ അനിൽ പി. ശ്രീരംഗം നിർവഹിക്കും.