പത്തനംതിട്ട: മുസ്‌ലിം യൂത്ത് ലീഗ് സംസ്ഥാന എക്‌സിക്യൂട്ടീവ് ക്യാമ്പിൽ രൂപപ്പെടുത്തിയ കർമ്മരേഖ വിശദീകരിക്കുന്നതിനായി മുസ്‌ലിം യൂത്ത് ലീഗ് ജില്ലാ നേതൃസംഗമം ഇന്ന് വൈകിട്ട് 4 ന് പത്തനംതിട്ട ലീഗ് ഹൗസിൽ നടക്കും. യോഗത്തിൽ തെക്കൻ മേഖലയിലെ സംഘടനാ ശാക്തീകരണത്തിന്റെ ഭാഗമായുള്ള യൂത്ത് ലീഗ് ദക്ഷിണ മേഖലാ സമ്മേളന പ്രഖ്യാപനവും നടക്കും. മുസ്‌ലിം യൂത്ത് ലീഗ് ജില്ലാ കൗൺസിൽ അംഗങ്ങൾ, നിയോജക മണ്ഡലം ഭാരവാഹികൾ, പഞ്ചായത്ത്/മുനിസിപ്പൽ പ്രസിഡന്റ് ജനറൽ സെക്രട്ടറിമാർ , എം.എസ് .എഫ് ഭാരവാഹികൾ എന്നിവരാണ് പങ്കെടുക്കുന്നത്. മുസ്‌ലിം യൂത്ത് ലീഗ് സംസ്ഥാന ജനറൽ സെക്രട്ടറി പി.കെ.ഫിറോസ് ഉദ്ഘാടനം നിർവ്വഹിക്കും. സംസ്ഥാന യൂത്ത് ലീഗ് ഭാരവാഹികൾ പങ്കെടുക്കുമെന്ന് മുസ്‌ലിം യൂത്ത് ലീഗ് ജില്ലാ പ്രസിഡന്റ് മുഹമ്മദ് ഹനീഫ, ജനറൽ സെക്രട്ടറി റിയാസ് സലിം മാക്കാർ എന്നിവർ അറിയിച്ചു.