പത്തനംതിട്ട : കക്കാട് പവർ ഹൗസിലെ ജനറേറ്ററിന്റെ വാർഷിക അറ്റകുറ്റപ്പണിയുമായി ബന്ധപ്പെട്ട് മൂഴിയാർ ഡാമിന്റെ മൂന്നുഷട്ടറുകൾ പരമാവധി 30 സെന്റിമീറ്റർ എന്നതോതിൽ ഉയർത്തി 50 കുമെക്‌സ് എന്നനിരക്കിൽ ഏതുസമയത്തും ജലം കക്കാട്ട് ആറിലേക്ക് ഒഴുക്കി വിടാൻ സാദ്ധ്യതയുണ്ട്.
ജലം മൂഴിയാർ ഡാമിൽ നിന്ന് കക്കാട് പവർ ഹൗസ് വരെ എത്താൻ ഏകദേശം രണ്ടുമണിക്കൂർ സമയം എടുക്കും. ഷട്ടറുകൾ ഉയർത്തുന്നത് മൂലം നദികളിൽ 15 സെ.മി വരെ ജലനിരപ്പ് ഉയർന്നേക്കാം. കക്കാട്ടാറിന്റെയും പ്രത്യേകിച്ചു മൂഴിയാർ ഡാം മുതൽ കക്കാട് പവർ ഹൗസ് വരെയുള്ള ഇരുകരകളിൽ താമസിക്കുന്നവരും ജനങ്ങളും ജാഗ്രത പുലർത്തേണ്ടതാണ്. നദികളിൽ ഇറങ്ങുന്നത് ഏതുസാഹചര്യത്തിലും ഒഴിവാക്കേണ്ടതാണെന്ന് ജില്ലാകളക്ടർ ഡോ. ദിവ്യ എസ്. അയ്യർ അറിയിച്ചു.