ചെങ്ങന്നൂർ എസ്.എൻ.ഡി.പി യോഗം ചെങ്ങന്നൂർ യൂണിയന്റെയും എറണാകുളം മുക്തിഭവൻ കൗൺസലിംഗ് സെന്ററിന്റെയും സംയുക്താഭിമുഖ്യത്തിൽ യുവതിയുവാക്കൾക്കായുള്ള വിവാഹ പൂർവ കൗൺസലിംഗ് ക്ലാസുകൾ യൂണിയൻ ബിൽഡിംഗിലുള്ള സരസകവി മൂലൂർസ്മാരക ഹാളിൽ നാളെയും മറ്റേന്നാളും നടക്കും. നാളെ രാവിലെ 9.30 ന് യൂണിയൻ അഡ്.കമ്മിറ്റി വൈസ് ചെയർമാൻ രാഖേഷ് പി.ആറിന്റെ അദ്ധ്യക്ഷതയിൽ യൂണിയൻ ചെയർമാൻ അനിൽ അമ്പാടി ഉദ്ഘാടനം ചെയ്യും. യൂണിയൻ കൺവീനർ അനിൽ പി.ശ്രീരംഗം മുഖ്യപ്രഭാഷണം നടത്തും. യൂണിയൻ അഡ്.കമ്മിറ്റി അംഗങ്ങളായ കെ.ആർ. മോഹനൻ, എസ്.ദേവരാജൻ, ബി.ജയപ്രകാശ് തൊട്ടവാടി, എം.പി.സരേഷ്, കെ.ആർ.മോഹനൻ കൊഴുവല്ലൂർ, അനിൽ കണ്ണാടി എന്നിവർ ആശംസാ പ്രസംഗം നടത്തും. രാജേഷ് പൊന്മല, സരേഷ് പരമേശ്വരൻ, ഷൈലജാ രവീന്ദ്രൻ, കൊടുവഴങ്ങ ബാലകൃഷ്ണൻ, ഡോ.അനൂപ് വൈക്കം, ഡോ.ശരത് ചന്ദ്രൻ എന്നിവർ ക്ലാസുകൾ നയിക്കും. ഞായറാഴ്ച വൈകിട്ട് 5ന് യൂണിയൻ കൺവീനർ അനിൽ പി. ശ്രീരംഗം സർട്ടിഫിക്കറ്റുകൾ വിതരണം ചെയ്യും.