തിരുവല്ല: ചാത്തങ്കരി അർദ്ധനാരീശ്വര ക്ഷേത്രത്തിലെ ശിവരാത്രി ഉത്സവം നാളെ കൊടിയേറും. നാളെ രാവിലെ ഏഴിന് എസ്.എൻ.ഡി.പി.യോഗം ഇൻസ്‌പെക്ടിംഗ് ഓഫീസർ എസ്.രവീന്ദ്രൻ ധർമ്മപതാക ഉയർത്തും. തുടർന്ന് അഷ്ടദ്രവ്യമഹാഗണപതിഹോമം, കലശാഭിഷേകം 7.30നും 8നും മദ്ധ്യേ ക്ഷേത്രതന്ത്രി നാരായണപ്രസാദ് തന്ത്രിയുടെയും മേൽശാന്തി ഷിബുരാജ് ശർമ്മയുടെയും മുഖ്യകാർമ്മികത്വത്തിൽ കൊടിയേറ്റ് നടക്കും. വൈകിട്ട് ദീപക്കാഴ്ച 7.15ന് കൊടുകുളഞ്ഞി ശ്രീനാരായണ വിശ്വധർമ്മമഠം മഠാധിപതി സ്വാമി ശിവബോധനന്ദ ശിവശതകത്തെക്കുറിച്ച് പ്രഭാഷണം നടത്തും. 23ന് രാവിലെ മുതൽ വിശേഷാൽ പൂജകൾ, എട്ടിന് പന്തീരടിപൂജ 9ന് ശ്രീബലി. തുടർന്ന് കലശാഭിഷേകം. 5.30ന് കാഴ്ചശ്രീബലി 7ന് വിളക്കിനെഴുന്നെള്ളത്ത്. 24ന് രാവിലെ 9ന് സർപ്പപൂജ, നൂറും പാലും11.30ന് ശ്രീബലി.രാത്രി 9ന് നാടകം 25ന് രാവിലെ 6.30ന് സമൂഹ അഷ്ടദ്രവ്യഗണപതിഹോമം 7.30ന് പന്തീരടിപൂജ 11ന് ശ്രീബലി. തുടർന്ന് കലശാഭിഷേകം. 27ന് രാവിലെ 9ന് മഹാഗുരുപൂജ വൈകിട്ട് ദീപക്കാഴ്ച, തുടർന്ന് മുളപൂജ, സന്ധ്യാരവം. രാത്രി എട്ടിന് നാടൻപാട്ട്. 28ന് രാവിലെ മുതൽ വിശേഷാൽ പൂജകൾ, രാത്രി എട്ടിന് പള്ളിവേട്ട പുറപ്പാട്. 8.30ന് താലം വരവ് 9.30ന് പള്ളിവേട്ട വരവ്. മാർച്ച് ഒന്നിന് രാവിലെ മുതൽ വിശേഷാൽ പൂജകൾ, 8.30ന് മൃത്യുഞ്ജയഹോമം, 11ന് ഗുരുവും ശിവനും എന്ന വിഷയത്തിൽ സൗമ്യ ഇ.ബാബു പ്രഭാഷണം നടത്തും. 12.30ന് സമൂഹസദ്യ. 5.30ന് കാഴ്ചശ്രീബലിരാത്രി 10.35ന് ആറാട്ട് പുറപ്പാട്, തുടർന്ന് ആറാട്ട് വരവ്.