പത്തനംതിട്ട : വെളിയിട വിസർജന വിമുക്ത (ഒ.ഡി.എഫ് പ്ലസ്) നഗരസഭയായി പത്തനംതിട്ടയെ പ്രഖ്യാപിച്ചു. നഗരസഭാചെയർമാൻ ടി.സക്കീർ ഹുസൈന്റെ അദ്ധ്യക്ഷതയിൽ ചേർന്ന കൗൺസിൽ യോഗമാണ് പ്രഖ്യാപനം നടത്തിയത്. നേരത്തെ നഗരത്തെ ഒ.ഡി.എഫ് നഗരമായി സർക്കാർ പ്രഖ്യാപിച്ചിരുന്നു. നഗരത്തിലെ 32 വാർഡുകളും ഒ.ഡി.എഫ് ആയി സ്വയം പ്രഖ്യാപിച്ചതിന്റെ അടിസ്ഥാനത്തിലാണ് നഗരസഭ വെളിയിട വിസർജനവിമുക്ത നഗരമായി കൗൺസിൽ പ്രഖ്യാപിച്ചത്. ഇനി മുതൽ വെളിയിടങ്ങളിൽ മലമൂത്ര വിസർജ്ജനം നടത്തുന്നത് കുറ്റകരവും 1000 രൂപ വരെ പിഴ ഈടാക്കാവുന്ന കുറ്റവുമാണെന്ന് നഗരസഭാസെക്രട്ടറി ഷെർളാ ബീഗം അറിയിച്ചു.