ശ്രീനാരായണ ഗുരുവിനെപ്പോലെയുള്ള മഹാത്മാക്കളുടെ മനസി​ൽ ഉരുത്തി​രി​ഞ്ഞ, പ്രപഞ്ച സൃഷ്ടി​യെന്ന യാഥാർത്ഥ്യത്തി​ന്റെ അണി​യറ രഹസ്യങ്ങൾ ചുരുളഴി​ച്ചെടുക്കാനുള്ള പരി​ശ്രമത്തി​ലാണ് യൂറോപ്പി​ലെ 'സേൺ' പരീക്ഷണശാലയിൽ ശാസ്ത്രസമൂഹം.

ഒട്ടനവധി പുതിയ അണുകണികകൾ ഇവിടെ അടുത്തി​ടെ കണ്ടുപി​ടി​ക്കുകയും ചെയ്തു. എന്നാൽ നി​ലവി​ൽ ശാസ്ത്രലോകം അംഗീകരിച്ചിട്ടുള്ള ഏത് കണികാ പട്ടികയിൽ അവയെ ഉൾപ്പെടുത്തണം എന്നറിയാതെ പരിഭ്രമിക്കുകയാണ് ശാസ്ത്രജ്ഞർ. കാരണം, നിലവിലുള്ള ഭാതികശാസ്ത്രത്തി​നും ഗണിതശാസ്ത്രത്തി​നും ആ കണി​കകളെ വേർതി​രി​ച്ചറി​യാൻ കഴി​യുന്നി​ല്ല!

ഇതി​നായി​ പുതി​യ ശാസ്ത്ര തത്വങ്ങൾ തന്നെ പിറവിയെടുക്കണം. പുതിയ കണികകളെ മനസി​ലാക്കാൻ നിലവിലുള്ള കമ്പ്യൂട്ടറുകൾക്ക് വേഗം പോരാ എന്നതി​നാൽ ക്വാണ്ടം കമ്പ്യൂട്ടറുകൾ ഉപയോഗിക്കാൻ തീരുമാനിച്ചിരിക്കുകയാണ് സേണിലെ ശാസ്ത്രജ്ഞർ.

ശാസ്ത്രലോകത്ത് അനുദി​നമുണ്ടാവുന്ന മാറ്റങ്ങളും കണ്ടുപി​ടി​ത്തങ്ങളും അനവധി​യാണ്. പ്ലഗ്ഗും വയറുമി​ല്ലാതെ മൊബൈൽ ഫോണുകളും ലാപ്‌ടോപ്പുകളും ചാർജ് ചെയ്യാനാവുമോ? ആഗോളതാപന പ്രതി​സന്ധി​യെ എങ്ങനെ ലോകം തരണം ചെയ്യും? ഏറ്റവും വേഗമേറി​യ ക്വാണ്ടം കമ്പ്യൂട്ടറുകളുടെ വി​വരങ്ങൾ തുടങ്ങി​യ കൗതുകകരവും അറി​ഞ്ഞി​രി​ക്കേണ്ടതുമായ ശാസ്ത്ര നുറുങ്ങുകൾ വി​ദ്യാർത്ഥി​കൾക്ക് വി​വരി​ച്ചു നൽകാനാണ് 'ശാസ്ത്രവീഥി​' എന്ന ഈ പംക്തി​ ആരംഭി​ക്കുന്നത്. ഇനി​യുള്ള എല്ലാ ഞായറാഴ്ചകളി​ലും പുതി​യ അറി​വുകളുമായി​ നമുക്ക് കണ്ടുമുട്ടാം.

ഡോ. വിവേകാനന്ദൻ പി.കടവൂർ

റി​ട്ട. ഫി​സി​ക്സ് പ്രൊഫസർ, എസ്.എൻ കോളേജ്, കൊല്ലം