കൊട്ടാരക്കര: പൂയപ്പള്ളി പൊലീസ് സ്റ്റേഷൻ പരിധിയിൽ 12 വയസുകാരിയെ പീഡിപ്പിച്ച് ഗർഭിണിയാക്കിയ സംഭവത്തിൽ ബന്ധുവായ 22കാരനെ അറസ്റ്റ് ചെയ്തു. പെൺകുട്ടിക്ക് കഠിനമായ വയറുവേദന ഉണ്ടായതിനെ തുടർന്ന് കൊട്ടാരക്കര താലൂക്ക് ആശുപത്രിയിൽ പ്രവേശിപ്പിച്ചു.

തുടർന്ന് നടത്തിയ പരിശോധനയിൽ പെൺകുട്ടി ഗർഭിണിയാണെന്ന് കണ്ടെത്തി. കൗൺസലിംഗിന് വിധേയമാക്കിയ പെൺകുട്ടി അടുത്ത ബന്ധുവും അയൽവാസിയുമായ യുവാവാണ് ഗർഭത്തിന് ഉത്തരവാദിയെന്ന് വെളിപ്പെടുത്തി.

ആശുപത്രി അധികൃതർ അറിയിച്ചതിനെ തുടർന്ന് പോക്സോ നിയമപ്രകാരം കേസെടുത്ത പൂയപ്പള്ളി പൊലീസ് പ്രതിയെ അറസ്റ്റ് ചെയ്ത് കോടതിയിൽ ഹാജരാക്കി റിമാൻഡ് ചെയ്തു.