കൊല്ലം: സംസ്ഥാന സർക്കാരിന്റെ കൈത്തറി പരിപോഷണ പദ്ധതിയുടെ ഭാഗമായി കണ്ണൂരിലെ ഇന്ത്യൻ ഇൻസ്റ്റിറ്റ്യൂട്ട് ഓഫ് ഹാൻഡ്‌ലൂം ടെക്‌നോളജി ടെക്‌സ്റ്റൈൽസ് ഡിസൈനർമാർക്ക് തൊഴിലവസരമൊരുക്കുന്നു. നിഫ്റ്റ് അല്ലെങ്കിൽ എൻ.ഐ.ഡികളിൽ നിന്ന് ടെക്‌സ്റ്റൈൽ ഡിസൈനിംഗ് കോഴ്‌സോ ഹാൻഡ്‌ലൂം ആൻഡ് ടെക്‌സ്റ്റൈൽ ടെക്‌നോളജി, ഹാൻഡ്‌ലൂം ടെക്‌നോളജി എന്നിവയിൽ ഡിഗ്രി അല്ലെങ്കിൽ ഡിപ്ലോമ ലെവൽ കോഴ്‌സോ വിജയിച്ചവർക്ക് അപേക്ഷിക്കാം. 3 മുതൽ 5 വർഷം ടെക്‌സ്റ്റൈൽ ഡിസൈനിംഗിൽ പ്രവൃത്തിപരിചയം അഭികാമ്യം. പ്രോജക്ട് അടിസ്ഥാനത്തിൽ താത്കാലിക നിയമനമായിരിക്കും. വിശദമായ ബയോ ഡാറ്റ സഹിതമുള്ള അപേക്ഷകൾ 15ന് വൈകിട്ട് 5ന് മുമ്പ് തപാൽ വഴിയോ, നേരിട്ടോ സമർപ്പിക്കാം. ഇ മെയിൽ വഴിയുള്ള അപേക്ഷകൾ പരിഗണിക്കില്ല. അപേക്ഷകൾ അയക്കുമ്പോൾ കവറിന് പുറത്ത് 'ടെക്‌സ്റ്റൈൽ ഡിസൈനർക്കുള്ള അപേക്ഷ" എന്ന് എഴുതിയിരിക്കണം. വിലാസം: എക്‌സിക്യൂട്ടീവ് ഡയറക്ടർ, ഇന്ത്യൻ ഇൻസ്റ്റിറ്റ്യൂട്ട് ഓഫ് ഹാൻഡ്‌ലൂം ടെക്‌നോളജി കണ്ണൂർ, കിഴുന്ന പി.ഒ., തോട്ടട, കണ്ണൂർ- 670007. ഫോൺ: 0497 2835390. ഇമെയിൽ: info@iihtkannur.ac.in വെബ്‌സൈറ്റ്: www.iihtkannur.ac.in