പത്തനാപുരം : മാക്കുളം ഹെർമ്മോൻ ഓർത്തഡോക്സ് സിറിയൻ ദേവാലയത്തിൽ പെരുന്നാളിനും പുനർ നിർമ്മിച്ച കുരിശടി കൂദാശയ്ക്കുമെത്തുന്ന അടൂർ കടമ്പനാട് മെത്രാസന മെത്രാപ്പോലിത്ത അഭിവന്ദ്യ ഡോ.സഖറിയാസ് മാർ അപ്രേം തിരുമേനിക്കും നവാഭിഷിക്തതരായ പത്തനാപുരം മൗണ്ട് താബോർ ദയറാ അംഗങ്ങൾ കെ. വി. പോൾ റമ്പാൻ, ഡോ. ഡേവിഡ് കോശി റമ്പാൻ എന്നിവർക്കും 13ന് വൈകിട്ട് 4.30 ന് സ്വീകരണംനൽകും. 5 മണിക്ക് പുനർ നിർമ്മിച്ച കുരിശടിയുടെ കൂദാശ. 14 ന് രാവിലെ 6. 30 ന് പ്രഭാത നമസ്കാരം. 7 ന് ഡോ. സഖറിയാസ് മാർ അപ്രേം മെത്രാപ്പോലിത്തയുടെ പ്രധാന കാർമ്മികത്വത്തിൽ മേൽ കുർബ്ബാനയും തുടർന്ന് പള്ളിക്ക് ചുറ്റും പ്രദക്ഷിണം ആശിർവാദം, പൊതുസമ്മേളനം നേർച്ച വിളമ്പ്, കൊടിയിറക്ക്. കൊവിഡ് നിയമങ്ങൾ പാലിച്ച് വിശ്വാസികൾ ചടങ്ങുകളിൽ പങ്കെടുക്കണമെന്ന് ഇടവക വികാരി ജെ. മാത്യുക്കുട്ടി, സെക്രട്ടറി പി .രാജു , പെരുന്നാൾ കൺവീനർ ജോജി വർഗീസ് കൈലാത്ത്, ട്രസ്റ്റി മാത്യു ജോസഫ് എന്നിവർ അറിയിച്ചു.