ചാ​ത്ത​ന്നൂർ: ഉപയോഗ യോഗ്യമായിരുന്ന ശൗചാലയം പൊളിച്ചുനീക്കി ചാ​ത്ത​ന്നൂർ കെ.​എ​സ്.​ആർ.​ടി.​സി ഡി​പ്പോ​യിൽ ശു​ചി​ത്വ​മി​ഷ​നും ചാ​ത്ത​ന്നൂർ ഗ്രാ​മപ​ഞ്ചാ​യ​ത്തും ചേർ​ന്ന് ടേ​ക് എ ബ്രേ​ക്ക്​ പ​ദ്ധ​തി​യിൽ നിർ​മ്മി​ച്ച വ​ഴി​യോ​ര വി​ശ്ര​മ കേ​ന്ദ്ര​വും പുതിയ ശൗ​ചാ​ല​യ​വും വഴിയാധാരമായി.
മുൻ എം​.പി പി. രാ​ജേ​ന്ദ്രന്റെ പ്രാ​ദേ​ശി​ക വി​ക​സ​ന ഫ​ണ്ടിൽ നി​ന്നു ആ​റ് ല​ക്ഷം രൂ​പ ചെ​ല​വ​ഴി​ച്ചാ​ണ് ആദ്യം ശൗ​ചാ​ല​യം നിർ​മ്മി​ച്ചത്. സ്ത്രീകൾ​ക്കും പു​രു​ഷ​ന്മാർ​ക്കും വെവ്വേറെ എട്ടെണ്ണം ഉണ്ടായിരുന്നു. ഇവ പൊ​ളി​ച്ചു മാ​റ്റി​യാ​ണ് മു​ഖ്യ​മ​ന്ത്രി​യു​ടെ 12 ഇ​ന പ​രി​പാ​ടി​യിൽ ഉൾ​പ്പെ​ടു​ത്തി വ​ഴി​യോ​ര വി​ശ്ര​മകേ​ന്ദ്ര​വും പൊ​തുശൗ​ചാ​ല​യവും ശുചി​ത്വ മി​ഷ​നു​മാ​യി ചേർ​ന്നു നിർ​മ്മി​ച്ച​ത്. പു​തി​യ ശൗ​ചാ​ല​യം തു​റ​ന്ന് പ്ര​വർ​ത്തി​ക്കാ​ത്ത​തി​നാൽ ഡി​പ്പോ​യിൽ എ​ത്തു​ന്ന സ്​ത്രീ​കൾ ഉൾ​പ്പെ​ടെ​യു​ള്ള യാ​ത്ര​ക്കാർ വല്ലാത്ത ബുദ്ധിമുട്ടാണ് അനുഭവിക്കുന്നത്. 14 ല​ക്ഷം ചെ​ല​വ​ഴി​ച്ച് ആ​ധു​നി​ക രീ​തി​യിൽ നിർമ്മിച്ച കെ​ട്ടി​ടത്തിൽ വെ​ള്ള​വും വൈ​ദ്യു​തി​യും ലഭിക്കുന്നതിനു മുമ്പുതന്നെ കഴിഞ്ഞ വർഷം മു​ഖ്യ​മ​ന്ത്രിയെക്കൊണ്ട് ഉദ്ഘാടനം ചെയ്യിപ്പിച്ചിരുന്നു. പക്ഷേ, ഇത്ര നാളായിട്ടും ഇതുരണ്ടും ലഭ്യമാക്കാൻ അധികൃതർ തയ്യാറാവുന്നില്ല.

 പഞ്ചായത്തുമായി തർക്കം

സ്‌​പോൺ​സർ​മാ​രെ ക​ണ്ടെ​ത്തി കെ.​എ​സ്.​ആർ.​ടി.​സി ഡി​പ്പോ​ക​ളിൽ ആ​ധു​നി​ക​രീ​തി​യി​ലു​ള്ള ശൗ​ചാ​ല​യം നിർ​മ്മി​ക്കാൻ ഉ​ദ്യോ​ഗ​സ്ഥർ​ക്ക് ചു​മ​ത​ല നൽ​കി​യി​ട്ടു​ണ്ട്. ശൗ​ചാ​ല​യ​ത്തി​ന്റെ മാ​തൃ​ക​യും ഇ​തോ​ടൊ​പ്പം ഡി​പ്പോ അധികൃതർക്ക് കൈമാറിയിട്ടുണ്ട്. എന്നാൽ ഡി​പ്പോ​യ്​ക്ക് നൽ​കി​യ മാ​തൃ​ക​യിൽ അ​ല്ല ശൗചാലയങ്ങൾ പ​ഞ്ചാ​യ​ത്ത് നിർ​മ്മി​ച്ച​ത്. അ​തു​കൊ​ണ്ടാ​ണ് ഡി​പ്പോയിൽ നിന്ന് വെ​ള്ള​വും വൈ​ദ്യു​തി​യും നൽ​കാ​ത്തതത്രെ. പ​ഞ്ചാ​യ​ത്തും ഡി​പ്പോ​യും ത​മ്മി​ലു​ള്ള തർ​ക്കവും രൂക്ഷമായിട്ടുണ്ട്.