പാരിപ്പള്ളി: തിരക്കേറിയ കുളമട ഒായൂർ പാതയുടെ നിർമ്മാണം മുടങ്ങി​ മാസങ്ങളായി​ട്ടും നടപടി​യി​ല്ല. എം.എൽ.എ ഫണ്ടിൽ നിന്നനുവദി​ച്ച അഞ്ചുകോടി​ ചെലവഴിച്ച് ആരംഭിച്ച പുനരുദ്ധാരണ പ്രവർത്തനങ്ങളാണ് മുടങ്ങി​യത്.

ഗുണനിലവാരമില്ലാത്ത സാമഗ്രികൾ ഉപയോഗിച്ചാണ് നിർമ്മാണം നടത്തുന്നതെന്ന് ആരോപിച്ച് പ്രദേശവാസി​കൾ പ്രതി​ഷേധവുമായി​ രംഗത്തെത്തി​യി​രുന്നു. തുടർന്ന് പൊതുമരാമത്ത് വകുപ്പ് അധികൃതർ സ്ഥലത്തെത്തി പരിശോധന നടത്തി. അഞ്ചു കിലോമീറ്റർ നീളമുള്ള പാതയുടെ ഭാഗം പുനർനിർമ്മിക്കാൻ വേണ്ടി ഏഴി​ടത്ത് മെറ്റൽ നിരത്തിയതോടെ ഗതാഗതം അസാദ്ധ്യമായ അവസ്ഥയാണ്. .കൂടാതെ പൊടിശല്യവും അസഹനീയമാണ്. ഗുണനിലവാരമുള്ള സാധനങ്ങൾ ഉപയോഗിച്ച് നി​ർമ്മാണം പുനരാരംഭി​ക്കണമെന്ന് ആവശ്യപ്പെട്ട് കോൺഗ്രസ് പാരിപ്പള്ളി മണ്ഡലം കമ്മിറ്റി പ്രസിഡന്റ് അഡ്വ. സിമ്മിലാലിന്റെ നേതൃത്വത്തിൽ പൊതുമരാമത്ത് മന്ത്രിക്ക് പരാതി നൽകി​. ഉചിതമായ നടപടി ഉണ്ടായി​ല്ലെങ്കിൽ ശക്തമായ പ്രക്ഷോഭം സംഘടിപ്പിക്കുമെന്നും അദ്ദേഹം പറഞ്ഞു.