കൊട്ടാരക്കര: നെടുവത്തൂർ ഗ്രാമ പഞ്ചായത്ത് ഭരണ കെടുകാര്യസ്ഥതയ്ക്കെതിരെ ബി.ജെ.പി നെടുവത്തൂർ ഏരിയാ കമ്മിറ്റിയുടെ നേതൃത്വത്തിൽ ഇന്ന് രാവിലെ 10ന് പഞ്ചായത്ത് ഓഫീസിന് മുന്നിൽ ധർണ നടത്താൻ ബി.ജെ.പി നേതൃയോഗം തീരുമാനിച്ചു. ബി.ജെ.പി ജില്ലാ വൈസ് പ്രസിഡന്റ് ബി.ശ്രീകുമാർ യോഗം ഉദ്ഘാടനം ചെയ്തു. നെടുവത്തൂർ മണ്ഡലം പ്രസിഡന്റ് പി.എസ്.ഷാലു

അദ്ധ്യക്ഷത വഹിച്ചു. മണ്ഡലം വൈസ് പ്രസിഡന്റ് രാജഗോപാൽ, ശരണ്യ സന്തോഷ്, ദിലീപ് നെടുവത്തൂ‌ർ, അജിത് ചാലൂക്കോണം, രാജേഷ് കുരുക്ഷേത്ര, നന്ദു കിഴക്കടത്ത് എന്നിവർ സംസാരിച്ചു. ധ‌ർണ ബി.ജെ.പി ജില്ലാ പ്രസിഡന്റ് ബി.ബി. ഗോപകുമാർ ഉദ്ഘാടനം ചെയ്യും.