തൊടിയൂർ: സർക്കാർ ,എയ്ഡഡ് സ്കൂളുകളിൽ പഠിക്കുന്നവരും സാമ്പത്തിക പിന്നാക്കം നിൽക്കുന്നവരുമായ മുസ്ലിം, ക്രിസ്ത്യൻ, സിഖ്, ബുദ്ധ, പഴ്സി, ജൈന വിഭാഗങ്ങളിലെ വിദ്യാർത്ഥികൾക്ക് എൻ.ടി.എസ്.ഇ കോച്ചിംഗ് നൽകുന്നതിന് സംസ്ഥാന ന്യൂനപക്ഷ ക്ഷേമ വകുപ്പ് അപേക്ഷ ക്ഷണിച്ചു. കേരളത്തിൽ പഠിക്കുന്നവരും സ്ഥിരതാമസക്കാരുമായ മേൽപ്പറഞ്ഞ വിഭാഗങ്ങളിലെ 55 ശതമാനം മാർക്ക് നേടി 8, 9 ക്ലാസുകളിൽ പഠിക്കുന്നവർക്കും ഈ വർഷം എൻ.ടി.എസ്.ഇ പരീക്ഷയ്ക്ക് അപേക്ഷിച്ച പത്താം ക്ലാസ് വിദ്യാർത്ഥികൾക്കുമാണ് ഓൺലൈൻ കോച്ചിംഗ് . ന്യൂനപക്ഷ വിഭാഗങ്ങളിലെ എട്ടു ലക്ഷം രൂപ വരെ വാർഷിക വരുമാനമുള്ളവരെ പരിഗണിക്കും. 30 ശതമാനം സീറ്റ് പെൺകുട്ടികൾക്കായി സംവരണം ചെയ്തിട്ടുണ്ട്. വിദ്യാർത്ഥികളെ തിരഞ്ഞെടുക്കുന്നത് മാർക്കിന്റെ അടിസ്ഥാനത്തിലായിരിക്കും.

www.minoritywelfare.kerala.gov.in- ൽ അപേക്ഷ പൂരിപ്പിച്ച് കരുനാഗപ്പളളി ഇടക്കുളങ്ങരയിൽ പ്രവർത്തിക്കുന്ന ന്യൂനപക്ഷ യുവജനതയ്ക്കായുള്ള പരിശീലന കേന്ദ്രത്തിൽ 19ന് മുമ്പ് നൽകണമെന്ന് പ്രിൻസിപ്പൽ അറിയിച്ചു. ഫോൺ: 0476 2664217,

9447428351