കരുനാഗപ്പള്ളി : ദേശീയ ഗ്രാമീണ തൊഴിലുറപ്പ് പദ്ധതിയെ തകർക്കാനുള്ള കേന്ദ്ര സർക്കാർ നീക്കത്തിനെതിരെ എൻ.ആർ.ഇ.ജി വർക്കേഴ്സ് യൂണിയന്റെ നേതൃത്വത്തിൽ തൊഴിലാളികൾ തൊഴിലിടങ്ങളിൽ പ്രതിഷേധിച്ചു. കുലശേഖരപുരം ഗ്രാമ പഞ്ചായത്തിൽ സംഘടിപ്പിച്ച പ്രതിഷേധ യോഗം യൂണിയൻ ജില്ലാ പ്രസിഡന്റ്‌ സി .രാധാമണി ഉദ്ഘാടനം ചെയ്തു. മോഹനൻ അദ്ധ്യക്ഷനായി. കല, ഏരിയ പ്രസിഡന്റ്‌ ബി. സുധർമ, ജെ .രവീന്ദ്രൻ, ഡി .രാജൻ, ലതിക, ബക്കർ, അശോകൻ എന്നിവർ സംസാരിച്ചു. തൊടിയൂർ പഞ്ചായത്തിൽ ഏരിയ കമ്മിറ്റി സെക്രട്ടറി ആർ .സോമരാജൻ പിള്ള ഉദ്ഘാടനം ചെയ്തു. വി. കല അദ്ധ്യക്ഷയായി. എസ്. രാധാകൃഷ്ണപിള്ള, എൽ. സുനിത, ആനന്ദവല്ലിയമ്മ, ലതികകുമാരി എന്നിവർ സംസാരിച്ചു. ആലപ്പാട് പഞ്ചായത്തിൽ ജില്ലാ എക്സിക്യുട്ടീവ് കമ്മിറ്റിയംഗം എം .സുഗതൻ ഉദ്ഘാടനം ചെയ്തു. പ്രിജിത് അദ്ധ്യക്ഷനായി. ക്ലാപ്പന പഞ്ചായത്തിൽ കർഷക തൊഴിലാളി യൂണിയൻ ഏരിയാ കമ്മിറ്റി സെക്രട്ടറി ക്ലാപ്പന സുരേഷ് ഉദ്ഘാടനം ചെയ്തു. റംല റഹിം, ദീപ്തി രവീന്ദ്രൻ, മിനി മോൾ, രാജു, ബിന്ദു എന്നിവർ പ്രസംഗിച്ചു. പദ്ധതിക്ക് മതിയായ തുക നീക്കിവെക്കുക, 200 തൊഴിൽ ദിനങ്ങൾ അനുവദിക്കുക, കൂലി 600 രൂപ ആയി വർദ്ധിപ്പിക്കുക, ജാതി തിരിച്ചു കൂലി നൽകുന്ന നടപടി അവസാനിപ്പിക്കുക, കൂലി കുടിശിക ഉടൻ നൽകുക തുടങ്ങിയ ആവശ്യങ്ങൾ ഉന്നയിച്ചായിരുന്നു സമരം.