കൊല്ലം: സീമലക്ഷ്മിയുടെ നീലക്കുറിഞ്ഞികൾ പൂക്കുമ്പോൾ എന്ന കവിതാ സമാഹാരത്തിന്റെ പ്രകാശനം 19ന് നടക്കും. വൈകിട്ട് 3ന് കരുനാഗപ്പള്ളി വൈ.എം.സി.എ ഹാളിൽ നടക്കുന്ന ചടങ്ങ് സി.ആർ.മഹേഷ് എം.എൽ.എ ഉദ്ഘാടനം ചെയ്യും. താലൂക്ക് ലൈബ്രറി കൗൺസിൽ പ്രസിഡന്റ് പി.ബി.ശിവന്റെ അദ്ധ്യക്ഷതയിൽ ചേരുന്ന യോഗത്തിൽ കവി കുരീപ്പുഴ ശ്രീകുമാർ പുസ്തകം പ്രകാശനം ചെയ്യും. താലൂക്ക് ലൈബ്രറി കൗൺസിൽ സെക്രട്ടറി വി.വിജയകുമാർ പുസ്തകം ഏറ്റുവാങ്ങും. നഗരസഭ ചെയർമാൻ കോട്ടയിൽ രാജു, ആലപ്പാട് ഗ്രാമപഞ്ചായത്ത് പ്രസിഡന്റ് യു.ഉല്ലാസ്, പി.ദീപു, സുധി ശങ്കരൻ, ടി.ഷൈമ, പ്രസന്ന, പി.ലിജു, എ.പ്രദീപ്, കോട്ടാത്തല ശ്രീകുമാർ, ജി.ഗിരീഷ് കുമാർ, മനോജ് അഴീക്കൽ, അനൂപ് സഹദേവൻ, രാംകുമാർ രാമൻ, ജോൺ റിച്ചാർഡ്, യു.ബിനു, സീമാലക്ഷ്മി എന്നിവർ സംസാരിക്കും. പഞ്ചായത്തുതല ഗ്രന്ഥശാലാനേതൃസമിതിയാണ് ചടങ്ങ് സംഘടിപ്പിക്കുന്നത്.