ചാ​ത്ത​ന്നൂർ: ക​ള്ള​നോ​ട്ട് മാ​റു​ന്ന​തി​നി​ട​യിൽ നിരവധി കേസുകളിൽ പ്രതിയായ യുവാവിനെ നാട്ടുകാർ പിടികൂടി പൊലീസിലേൽപ്പിച്ചു. മ​യ്യ​നാ​ട് മു​ക്കം തു​ണ്ട് അ​ഴ​ക​ത്ത് വീ​ട്ടിൽ വാ​ട​ക​യ്​ക്ക് താ​മ​സി​ക്കു​ന്ന പ​ര​വൂർ കോ​ട്ട​പ്പു​റം കോ​ങ്ങൽ പ്ര​തീ​ക​യിൽ സു​നിയാണ് (39) പിടിയിലായത്.

ബു​ധ​നാ​ഴ്​ച മീ​നാ​ട് ഭാ​ഗത്തെ ക​ട​ക​ളിൽ സ​ന്ധ്യസ​മ​യ​ത്ത് 500 രൂ​പയുടെ നോ​ട്ടു​കൾ മാ​റു​ന്ന​തി​നി​ടെ സം​ശ​യം തോ​ന്നി ക​ട​ക്കാ​രും നാ​ട്ടു​കാ​രും ചേർ​ന്ന് സു​നി​യെ ത​ട​ഞ്ഞു​വച്ച് ചാത്തന്നൂർ പൊലീസിന് കൈമാറുകയായിരുന്നു.

സു​നി​യു​ടെ ബാ​ഗിൽ നി​ന്ന് ക​ള്ള​നോ​ട്ട് പ്രിന്റ് ചെ​യ്​ത ഷീ​റ്റു​കൾ ക​ണ്ടെ​ത്തി. പ​ര​വൂ​രി​ലെയും മ​യ്യ​നാട്ടെയും വീ​ടു​ക​ളി​ൽ നത്തിയ പരിശോധനയിൽ ഒ​രു പ​ഴ​യ പ്രിന്റർ ക​ണ്ടെ​ത്തി. ചോ​ദ്യം ചെ​യ്യ​ലിൽ തി​രു​വ​ന​ന്ത​പു​രം സ്വ​ദേ​ശി ബി​ജുവാണ് മെഷീൻ നൽകിയതെന്ന് സുനി വ്യക്തമാക്കി. എന്നാൽ നൽകിയ വിലാസം തെറ്റായിരുന്നു.

15 ല​ക്ഷം രൂ​പ​യുടെ ക​ള്ള​നോ​ട്ടു​കൾ വി​വി​ധ സ്ഥ​ല​ങ്ങ​ളിൽ ചെ​ല​വ​ഴി​ച്ചി​ട്ടു​ണ്ടെന്ന് ചാ​ത്ത​ന്നൂർ എ​സ്.എ​ച്ച്.ഒ ജ​സ്റ്റിൻ ജോ​ൺ വ്യക്തമാക്കി. പൊ​ലീ​സ് അ​ന്വേ​ഷ​ണം ഊർ​ജി​ത​മാ​ക്കി. പ്ര​തി​യെ കോ​ട​തിയിൽ ഹാജരാക്കി റി​മാൻഡ് ചെ​യ്​തു.
ചാ​ത്ത​ന്നൂർ എ​സ്.എ​ച്ച്.ഒ ജ​സ്റ്റിൻ ജോ​ണി​ന്റെ നേ​തൃ​ത്വ​ത്തിൽ എ​സ്.ഐ ആ​ശ, വി. രേ​ഖ, ഗ്രേ​ഡ് എ​സ്.ഐ ഷാ​ജി, സി.പി.ഒമാ​രാ​യ ദി​നേ​ശ്, അ​നിൽ എ​ന്നി​വ​രാ​ണ് അ​ന്വേ​ഷ​ണ​ സം​ഘ​ത്തിലു​ള്ളത്.