കുന്നത്തൂർ: ശാസ്താംകോട്ട ഡി.ബി കോളേജിൽ നടന്ന യൂണിയൻ തിരഞ്ഞെടുപ്പിൽ കെ.എസ്.യു വിജയിച്ചശേഷം നാടിന്റെ സമാധാനാന്തരീക്ഷത്തിന് തടസം സൃഷ്ടിച്ച് കെ.എസ്.യു - എസ്.എഫ്.ഐ സംഘർഷം പതിവായതോടെ കൊല്ലം റൂറൽ പ്രദേശങ്ങളിൽ നിരോധനാജ്ഞ പ്രഖ്യാപിച്ചു.

റൂറൽ പൊലീസ് മേധാവിയാണ് 21വരെ നിരോധനാജ്ഞ പ്രഖ്യാപിച്ചത്. മതപരമായ ചടങ്ങുകൾക്ക് നിരോധനം ബാധകമല്ല. സംഘർഷം മാതൃസംഘടനകൾ ഏറ്റെടുത്തതോടെ ജനങ്ങൾ ഭീതിയിലാണ്.

നാലിൽ അധികം ആളുകൾ കൂട്ടം കുടുന്നതും രാഷ്ട്രീയ പാർട്ടികൾ പ്രകടനവും യോഗങ്ങളും നടത്തുന്നതിനും വിലക്കുണ്ട്. ലംഘിച്ചാൽ ശക്തമായ നടപടി സ്വീകരിക്കുമെന്നും എസ്.പി അറിയിച്ചു.