കൊല്ലം: രൂപതയുടെ തദ്ദേശീയമെത്രാൻ ദൈവദാസൻ ബിഷപ്പ് ജെറോം മരിയ ഫെർണാണ്ടസിന്റെ സ്മരണാർത്ഥം ഏർപ്പെടുത്തിയ രണ്ടാമത് ഗുഡ് സമരിറ്റൻ പുരസ്കാരം - 2022 കിഡ്നി ഫെഡറേഷൻ ഒഫ് ഇന്ത്യ സ്ഥാപകൻ ഫാ. ഡേവിസ് ചിറമേലിന്.

കൊല്ലം അരമനയിൽ നടന്ന ചടങ്ങിൽ രൂപതാദ്ധ്യക്ഷൻ ഡോ. പോൾ ആന്റണി മുല്ലശ്ശേരിയാണ് പുരസ്കാരം പ്രഖ്യാപിച്ചത്. ബിഷപ്പ് ജെറോമിന്റെ ജന്മനാടായ കോയിവിളയിൽ 27ന് വൈകിട്ട് 5 ന് നടക്കുന്ന പുരസ്കാരദാന സമ്മേളനം മന്ത്രി ജെ. ചിഞ്ചുറാണി ഉദ്ഘാടനം ചെയ്യും. ബിഷപ് ഡോ. പോൾ ആന്റണി മുല്ലശ്ശേരി പുരസ്കാരം സമ്മാനിക്കും. ബിഷപ്പ് സ്റ്റാൻലി റോമൻ അദ്ധ്യക്ഷത വഹിക്കും. എൻ.കെ. പ്രേമചന്ദ്രൻ എം.പി, കൊല്ലം മേയർ പ്രസന്ന ഏണസ്റ്റ്, എം.എൽ.എമാരായ ഡോ. സുജിത് വിജയൻ പിള്ള, സി.ആർ. മഹേഷ്, മുൻമന്ത്രി ഷിബു ബേബി ജോൺ തുടങ്ങിയവർ പങ്കെടുക്കും.