എഴുകോൺ: സമൂഹമാദ്ധ്യമത്തിലൂടെ പരിചയപ്പെട്ട പ്രായപൂർത്തിയാകാത്ത പെൺകുട്ടിയുടെ നഗ്നചിത്രങ്ങൾ കൈക്കലാക്കി സൂക്ഷിച്ചയാളെ എഴുകോൺ പൊലീസ് അറസ്റ്റ് ചെയ്തു. എറണാകുളം നെടുമ്പാശേരി കപ്രശേരി മഠത്തിൽമൂല പ്രഭാമന്ദിരത്തിൽ അശ്വിൻ പ്രസാദിനെയാണ് (25) എഴുകോൺ പൊലീസ് നെടുമ്പാശേരിയിൽ നിന്ന് പിടികൂടിയത്. ഭീഷണിപ്പെടുത്തി ചിത്രങ്ങൾ കൈക്കലാക്കുകയായിരുന്നുവെന്നാണ് കേസ്. പ്രതിയെ കോടതി റിമാൻഡ് ചെയ്തു.