കൊല്ലം: ചരിത്ര പ്രസിദ്ധമായ കൊല്ലം പീരങ്കി മൈതാനം കോൺക്രീറ്റ് നിർമ്മിതികളാൽ തകർക്കാനുള്ള നീക്കത്തിൽ നിന്നു സർക്കാരും കോർപ്പറേഷനും പിന്തിരിയണമെന്ന് എ.ഐ.സി.സി അംഗം ഡോ. ശൂരനാട് രാജശേഖരൻ ആവശ്യപ്പെട്ടു. കേരള വാട്ടർ അതോറിട്ടി സ്റ്റാഫ് അസോസിയേഷന്റെ നേതൃത്വത്തിൽ വാട്ടർ അതോറിട്ടി ഓഫീസിനു മുന്നിൽ നടത്തിയ ഉപവാസ സമരം ഉദ്ഘാടനം ചെയ്യുകയായിരുന്നു അദ്ദേഹം.യൂണിയൻ ജില്ലാ പ്രസിഡന്റ് ഷൈൻ അദ്ധ്യക്ഷനായി. ഐ.എൻ.ടി.യു.സി ജില്ലാ പ്രസിഡന്റ് എ.കെ. ഹഫീസ്, അഡ്വ. ശുഭദേവൻ, പി.ആർ. പ്രതാപചന്ദ്രൻ, ബിജു തുടങ്ങിയവർ സംസാരിച്ചു.