കൊല്ലം: പൊ​തു​മേ​ഖ​ലാ സ്ഥാ​പ​ന​ങ്ങ​ളു​ടെ നി​ല​നിൽ​പ്പി​ന് അ​ടി​യ​ന്ത​ര ഘ​ട്ട​ത്തിൽ ആ​വ​ശ്യമാ​യ പ​ണം ഒ​ന്നി​ച്ച് നൽ​കു​ന്ന​ത് പ​രി​ഗ​ണ​നയിലാണെ​ന്ന് വ്യ​വ​സാ​യ മ​ന്ത്രി പി.രാ​ജീ​വ്.

ചാ​ത്ത​ന്നൂ​ർ സ​ഹ​ക​ര​ണ സ്​പി​ന്നിം​ഗ് മിൽ ര​ണ്ടാം​ഘ​ട്ട ന​വീ​ക​ര​ണ പ​ദ്ധ​തി​യു​ടെ ഉ​ദ്​ഘാ​ട​ന​വും ഗ്രാ​റ്റു​വി​റ്റി വി​ത​ര​ണ​വും നിർ​വ​ഹി​ക്കു​ക​യാ​യി​രു​ന്നു അ​ദ്ദേ​ഹം. രാ​ജ്യ​ത്തി​ന് മാ​തൃ​ക​യാ​യ പൊ​തു​മേ​ഖ​ല​യാ​ണ് കേ​ര​ള​ത്തി​ലേ​ത്. അ​ത് നി​ല​നിറുത്തു​ന്ന​തി​ന് എ​ല്ലാ പി​ന്തു​ണ​യും സർ​ക്കാർ നൽ​കിവ​രി​ക​യാ​ണ്.

എ​ന്നാൽ ഉത്പാ​ദ​ന​ക്ഷ​മ​ത വർ​ദ്ധ​ന​യ്​ക്ക് പ്രാ​മു​ഖ്യം നൽ​കേ​ണ്ട​തു​ണ്ട്. അ​തി​ന് തൊ​ഴി​ലാ​ളി​ക​ളു​ടെ പ്ര​യ​ത്‌​ന​വും ആ​ധു​നീ​ക​ര​ണ​വും പ്ര​ധാ​ന​മാ​ണ്.ഇത്തരത്തിൽ ത​യ്യാ​റാ​ക്കി​യ മാ​സ്റ്റർ പ്ലാൻ പ്രാ​വർ​ത്തി​ക​മാ​ക്കിവ​രി​ക​യാ​ണ്. ഇത് ല​ക്ഷ്യം കാ​ണു​ന്ന​തി​ന് ഉ​ദാ​ഹ​ര​ണ​മാ​ണ് അഞ്ച് സ്​പി​ന്നിം​ഗ് മി​ല്ലു​കൾ ലാ​ഭ​ത്തി​ലാ​യ​ത്. ​നി​ല​വാ​രം ഉ​റ​പ്പാ​ക്കാനായാൽ മി​ക​ച്ച നി​ല​യിൽ മു​ന്നോ​ട്ടു പോ​കാ​നാ​കുമെന്നും മ​ന്ത്രി പ​റ​ഞ്ഞു.
ആ​ധു​നീ​ക​ര​ണം ന​ട​പ്പാ​ക്കു​ന്ന​തി​നൊപ്പം വി​ക​സ​ന പ​രി​പാ​ടി​കൾ വി​പു​ലീ​ക​രി​ച്ച് പൊ​തു​മേ​ഖ​ല​യെ നി​ല​നിറു​ത്തു​മെ​ന്ന് കു​ടിശി​ക വി​ത​ര​ണ​ത്തിൽ പ​ങ്കെ​ടു​ത്ത ധ​ന​ മ​ന്ത്രി കെ.എൻ. ബാ​ല​ഗോ​പാൽ പ​റ​ഞ്ഞു.
ജി.എ​സ്. ജ​യ​ലാൽ എം.എൽ.എ അ​ദ്ധ്യ​ക്ഷ​നാ​യി. ത​ദ്ദേ​ശ ഭ​ര​ണ സ്ഥാ​പ​ന ഭാ​ര​വാ​ഹി​ക​ളാ​യ ടി. ദി​ജു, ശ്രീ​ജ ഹ​രീ​ഷ്, എ. ദ​സ്​ത​ക്കിർ, വ്യ​വ​സാ​യ വ​കു​പ്പ് പ്രിൻ​സി​പ്പൽ സെ​ക്ര​ട്ട​റി എ.പി.എം. മു​ഹ​മ്മ​ദ് ഹ​നീ​ഷ്, സ്​പി​ന്നിംഗ് മിൽ ചെ​യർ​മാൻ എ.ആർ. ബ​ഷീർ, ടെ​ക്‌​സ്‌​ഫെ​ഡ് മാ​നേ​ജിംഗ് ഡ​യ​റ​ക്ടർ എം.കെ. സ​ലീം തു​ട​ങ്ങി​യ​വർ പ​ങ്കെ​ടു​ത്തു.